Caergrawnt, Llsgr. Coleg y Drindod O.7.1 – tudalen 50v
Llyfr Blegywryd
50v
Baeol yỽ. a mit. a budei ystyllaỽt. A
noe. a nithlen. a phadell troedaỽc. A phi+
ol lyn ony byd eur. neu aryant arnei
pedeir keinhaỽc kyfreith a tal pob vn
o hynny. Keubal. pedeir ar|hugeint a
tal. Raff lỽyf; keinhaỽc cotta a|tal.
Aradyr; dỽy geinhaỽc kyfreith. a tal. Hir+
ieu. ae phistlon. keinhaỽc kyfreith. a tal.
Sỽch; dỽy geinhaỽc kyfreith. Cỽlltyr. pedeir
keinhaỽc kyfreith. a|tal. Or torrir aradyr
y treis neu yn lledrat. a gỽedy hynny
y talu. gyt a gỽerth yr aradyr. aradỽy
tri dieu a telir. Aradỽy vn dyd. dỽy
geinhaỽc kyfreith. a|tal y gayaf ar gỽan+
hỽyn. Kist; ỽyth keinhaỽc kyfreith. a|tal.
Kerỽyn ystyllaỽt; pedeir keinhaỽc
kyfreith. a|tal. Rỽyt ehogyn; pedeir ar|hu+
geint a tal. Penllỽydec. vn ar pymthec.
Balaỽec; deudec keinhaỽc. Ballecrỽyt
whech cheinhaỽc. Corỽc; ỽyth kein+
haỽc. kyfreith. Kyfrỽy eurgalch; pedeir
ar|hugeint. Kyfrỽy lliỽ y pren. deudec
keinhaỽc. Torch milgi brenhin;
ỽyth keinhaỽc kyfreith. Torch milgi bre+
| « p 50r | p 51r » |