LlB Llsgr. Ychwanegol 19,709 – tudalen 45r
Brut y Brenhinoedd
45r
idi heb arwein rufeinavl geithiwet arnav gan da+
lu teyrnget vdunt oheni. ac vrth hynny ỽrda heb
ef. pỽy ny bei weỻ gantav kyfoeth bychan yn ỻe
araỻ yn ryd heb geithiwet noc vn mavr yn ỻe y
bei y dylyet gan dragywydavl geithiwet. ac eissoes
heb ef. kanys yr ynys a dywedy ti a vu eidun y|m
ryeni inheu. Mi a|rodaf yn ganhorthvy it gustenin
vy mravt a dvy vil o varchogyon y·gyt ac ef y edrych
a vynho duv idaỽ gaỻu rydhau yr ynys honno y gan
ormes estronyon genedyl aghyfyeith a chymeret ef go+
ron y teyrnas a bit vrenhin yno o myn duỽ y ganhya+
du idaỽ. ac rac bygvth ryfel yssyd arnaf inheu y gan
y freinc nyt adavaf i yr avr hon o varchogyon itti
vvy no hẏnnẏ. a·breid vu o|daruu y|r brenhin teruyn+
hu y ymadravd pan rodes kuelyn archescob ỻawer
o diolcheu idav am hynny. ac yn|y ỻe galv gustenhin
a|dywedut vrthav val hyn. Crist heb ef a|oruyd. crist
a wledycha. crist a orchyfycca. ỻyma vrenhin ynys. prydein.
diffeith. crist a|e chanhorthvyho. ỻyma an hamdiffyn
ni ac an gobeith ac an ỻewenyd. py beth gvedy hyny.
yn|y ỻe gỽedy bot yn baravt y ỻogeu ar y|traeth.
ethol y marchogyon. ac eu rodi y guhelyn archescob
a chustenhin gyt ac vynt.
A c yn dianot pan vu baravt eu kyfreideu kych+
wyn ar y mor a orugant a dyuot y borth tỽtneis
y|r tir ac yn dianot kynuỻav a aỻassant y gaffel
o wyr ynys. prydein. a chyrchu eu gelynyon. a gvedy ym+
| « p 44v | p 45v » |