Llsgr. Bodorgan – tudalen 128
Llyfr Cyfnerth
128
y amdiffyn neu na bo. Ar brenhin heuyt
bieu eu kymhell yr llỽ. LLe y perthyno det+
uryt gỽla*. yno y tygant holl wyr kynhal+
odron tir ryd y llys. eithyr y rei a allo y ple+
ideu trỽy gyfreith eu llyssu.
OR byd etiued deduaỽl y perchennaỽc
tir. ac arall aneduaỽl. y deduaỽl a
uyd etiued o| gỽbyl. Ar aneduaỽl heb ran.
Ony byd y perchennaỽc tir etiued eithyr
merch. y verch a uyd etiued o|r tir oll. O|r
byd y perchennaỽc tir etiued di·anaf ac ar ̷+
all anafus megys dall neu vydar neu gru+
pyl. y di·anaf a uyd etiued o|r tir oll na ded ̷+
uaỽl nac aneduaỽl vo. kany dichaỽn neb
anafus wassanaethu tir y brenhin o dadleu ̷+
eu a| lluydeu. Ac o|r byd etiued dianaf yr a ̷+
nafus hỽnnỽ; ef a geiff dylyet y tat o|r tir.
Pryderu yr anafus hỽnnỽ ar uỽyt a dillat
a oruyd ar y neb a gymero y dylyet ef o tir.
Tri ryỽ prit yssyd ar tir. vn yỽ gobyr gỽar+
chadỽ. Eil yỽ da a rother y achwanegu tir
neu vreint. Trydyd yỽ llafur kyfreithaỽl
a wnelher ar tir y bo gỽell y tir yrdaỽ.
Ny dichaỽn neb o| gyfreith dilyssu tir yn
| « p 127 | p 129 » |