Llsgr. Bodorgan – tudalen 33
Llyfr Cyfnerth
33
Kyntaf o naỽ affeith galanas yỽ ta+
uaỽtrudyaeth. menegi y neb a lath+
er yr neb ae llatho. Eil yỽ rodi kyghor
y lad y dyn. Trydyd yỽ kytsynyaỽ. Pet+
weryd yỽ yỽ* discỽyl. Pymhet yỽ canhym+
deith y llofrud. Whechet yỽ kyrchu y tref.
Seithuet yỽ ardỽyaỽ y llofrud. ỽythuet
yỽ bot yn borth o|r dỽy. Naỽuet yỽ gỽelet
y lad gan y odef. Dros pop vn o|r tri kyntaf
y rodir naỽ vgeint aryant a llỽ canhỽr.
Dros pop vn o|r tri ereill; y rodir deu·naỽ
vgeint aryant a llỽ deu·canhỽr y diwat
gỽaet. Dros pop vn o|r tri diwethaf; y telir
tri naỽ vgeint aryant a llỽ try chanhỽr y
wadu llofrudyaeth. Y neb a watto coet a
maes rodet lỽ deg wyr a deu vgeint heb
gaeth a heb alltut. A thri o·honunt yn die+
uredaỽc o varchogaeth. A lliein. A gỽreic.
Y neb a adefho llofrudyaeth; talet gỽbyl
o|r alanas. Trayan yr alanas a daỽ ar y llof+
rud. Ar deu·parth a| rennir yn teir ran. y
dỽy ran a tal kenedyl y tat. Ar tryded a tal
kenedyl y vam.
O Naỽ affeith tan; kyntaf yỽ kyghori
| « p 32 | p 34 » |