LlB Llsgr. Cotton Titus D IX – tudalen 35r
Llyfr Blegywryd
35r
a|wnel cam ymdanaỽ. Trydyd yỽ; abo ble+
id. y|neb a|wnel cam ymdanaỽ. TRi pheth
a|tyrr ar gyureith. a·mot. a deuaỽt
gyfyaun. ac a·gheu TRi edyn ny dyly+
ir eu llad heb gannyat ar|tir dyn arall.
Eryr. a garan. a chiccuran. pỽy|bynnac
a|e|lladho; talet dec a|deugeint aryant
y berchennaỽc y|tir. TRi pheth o|r keffir
ar|fford nyt reit y|neb atteb ohonunt.
Pedol. a nnottỽyd. a cheinnaỽc. TRi dyn
ny dyly brenhin eu gỽerthu. Lleidyr. gỽ+
edy barnner y|r groc. a|chynnllỽynỽr. a ̷
bradỽr arglỽyd. TRi eno righill yssyd;
gỽaet gỽlat. a garỽ gychỽedyl gỽas
y|kygkellaỽr. a|righill. TRi ergyt ny
thelir dim ymdanadunt. vn yỽ. y|garỽ yn
yt. ac y|gi yn yt. ac y|ebaỽl gỽyllt yn
yt. TRi chyfurỽch dirgel a|dyly y|brenhin
y|gaffel heb y ygnat; gyt a|e wreic. a ch+
yt a|e|offeirat. a|chyt a|e vedyc. Teir no+
ttỽyd kyureithaỽl y·ssyd; nottỽyd gỽe+
nigyaỽl y|vrenhines. a|nnottỽyd y|med ̷+
yc y wniaỽ gỽelioed. a|nnottỽyd y|penn+
kynyd y wniaỽ y kỽn rỽygedic. Gỽerth
pob vn o|rei hynny. pedeir keinnaỽc kyfreith. Notỽyd gỽreic kywrent arall keinnaỽc kyureith.
Teir kyfrinach yssyd well eu hadef noc
| « p 34v | p 35v » |