Llsgr. Caerdydd 1.363 (Hafod 2) – tudalen 130v
Brut y Brenhinoedd
130v
ef en anrydedvs. Ac gwedy datkanỽ o·honav
y anthynghetven a|e dyryedy* y Gyllamỽry tr+
ỽanhaỽ a orỽc ac adaỽ nerth a chanwrthwy
ydaỽ a chwynaỽ e sarahet ar ry kawssey enteỽ
y gan e brytanyeyt pan dỽgessynt chor e kewry
o·dyno. Ac o|r dywed gwedy kadarnhaỽ kerenh+
yd er rydvnt paratoy llongheỽ a gwnaethant a my+
net endvnt ac y kaer vynyw e deỽthant er tyr. Ac
gwedy honny eỽ dyỽodygaeth wynt tros e gwlado+
ed. vther pendragon a kymyrth holl ỽarchogyon
a holl wyr arỽaỽc er enys ac aeth parth a chym+
ry wrth ymlad en eỽ herbyn. kanys emreys wle+
dyc y ỽraỽt ef a oed en glaf eg kaer wynt ac ny
alley dyỽot er llwyd wrth henny. Ac gwedy gw+
ybot henny o pasken a Gyllamỽry ar ssaysson
ygyt ac wynt llawenhaỽ a orỽgant en vaỽr
kanys tebygỽ a gwneynt bot en haỽs ỽdỽnt
Goreskyn e teyrnas o achaỽs clevyt e brenyn.
Ac val ed oedynt e ỽelly en mỽrmỽryaỽ am
henny em plyth e|llw nessaỽ a orỽc ỽn o|r ssay+
sson at pasken ac esef oed y enw ef eopa a d+
wedwyt ỽal hynn wrth pasken. Pa peth h+
ep ef o da ar rodỽt ty yr nep a ladey emreys
| « p 130r | p 131r » |