Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 115r
Ystoria Adrian ac Ipotis
115r
a|th|ỽelo a|vyd ofynnaỽc ragot. hyt pann delyych
y berued y|dayar. Ac yna y|dyỽat duỽ. Morỽyn
adỽyn a enir ar|vrys a|distryỽ dy holl veddyant
di. Yn|y mod hỽnn y|gỽledychaỽd adaf deudec
mlyned ar|hugeint a naỽ cant. Pann vv varỽ y
vffernn yd aeth a|e holl eppil gyt ac ef. Ac ef a|fu
eneit adaf yn vffernn ac eneideu ereill pedeir
mil o vlỽynyded. a|chỽe|chant a|phedeir blyned.
A seith aỽr. Ac yna holl gyfuoethaỽc vrenhin nef
anuones radev yr yspryt glan. Ac a|disgynnaỽd
ym brv yr arglỽys* veir vorỽyn hep achaỽs nac
gỽeithret kytknaỽt. Deudec mlyned ar|hugeint
a hanner blỽydyn y bu iessu yn kerdet yn|y byt
hỽnn. A deugein niỽarnaỽt y ymprydyaỽd ef tros
bopyl y byt. A gỽedy hynny y|dallaỽd yr Jdeỽonn
Jessu crist. Ac y|dodet ar|y groc ac y|prynaỽd yntev
ni yr creu y|gallonn. A gỽedy hynny ef a|ysgynna+
ỽd y vffernn y ostỽng medyant yr holl gythreuleit.
Ac ellyghaỽd adaf ac eua o|r rỽymedigyon boe+
nev yd oedynt yndunt. A|llaỽer o|eneideu heuyt.
nyt amgen. dauid broffỽyt. a moysen ac abraham
benn ffyd. Ar saỽl a|oed oll dan geithiỽet heuyt
ef a|e kynnỽyssaỽd ym|paradỽys lle y|mae lleỽenyd
tragyỽydaỽl heb orffen arnaỽ. A gỽedy kychỽynnv
iessu o|veirỽ yn vyỽ. yd ysgynnaỽd ar nefoed. Ac
| « p 114v | p 115v » |