Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 121r
Credo Athanasius, Pa ddelw y dylai dyn gredu i Dduw
121r
byd reit y baỽp talu dylyet o|e weithret priaỽt. A rei
a ordiỽeder ar y|da a|ant y|uuched tragyỽydaỽl. A|rei
ereill ar|y|drỽc a|odiỽeder ac ar|y cam a|ant yr tan
tragyỽydaỽl. A hynny a|gredir yn ỽir.
*Yn|y mod hỽnn y|dysgir y|dyn py delỽ y|dyly credv
y|duỽ. A charu duỽ. A chadỽ y|degeir dedyf. Ac ym+
moglyt rac y seith pechaỽt marỽaỽl. Ac erbynnyeit
seith rinỽed yr eglỽys yn enrydedus. A gỽnneuthur
seith weithret y drugared yr gobrỽyaỽ nef idaỽ yntev.
PAỽl ebostol a|dyỽeit na ellir ragkbod y|duỽ heb ffyd.
Ac vrth hynny. llyma val y|mae ac y|dyly dyn cre+
du. Credu bot y|tat ar mab ar yspryt glan yn vn|duỽ
teir personn. Credu yr vn duỽ hỽnnỽ. krev a|ffurueid
daỽ nef a|dayar ac ysyd yndunt yn|hollaỽl o greadury+
eit a|ỽelir ac ar ny ỽelir. Ac ef ysyd yn cadỽ ac ynn
amdiffynn. Ac yn tyỽyssaỽ. Credv dyuot vn mab
duỽ hollgyuoethaỽc ymrv yr arglỽydes veir a|e eni
yn dyn. A bot meir yn vorỽyn kynn escor a gỽedy.
Credv yr iessu grist hỽnnỽ a|anet o veir wyry. dyodef
ohonaỽ y|dodi ar prenn croc yr rydhav plant adaf
o geithiỽet vffernn. A|e varỽ a|e gladv a|disgynn y e+
neit y anreithaỽ vffernn. o|r etholedygyonn a|oed+
dynt yndi. Y|trydydyd y kyuodes o|veirỽ yn vyỽ.
Ar deugeinvettyd gỽedy hynny yd ysgynnaỽd ar nefoed.
The text Pa ddelw y dylai dyn gredu i Dduw starts on line 6.
| « p 120v | p 121v » |