Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 126v
Pwyll y Pader, Hu
126v
regnum tuum. Sef yỽ hynny. doet dy teyrnnas ti
arnnam ni megys y|mae yn|y nef. yn|y dayar. Pỽy
bynnac a|archo velle. kyffredin y|baỽp a eirch. kan+
nys yechyt paỽb yỽ teyrnnas nef. Ac a|archo velle
cas vyd gantaỽ kyghorueint. yr honn ỽedi y|rodir
yspryt gỽaredogrỽyd. yr|hỽnn a|ardymhera callonn
parth ac ar|y buched da yny del ar|uedyant daear
y|rei byỽ. Ac yna y|damvna y|gỽar digynhennus dy+
uot paỽb ygyt ac ef. Y|dryded ỽedi o|r|pader ysyd yn
errlloned. pann|dyỽetter. ffiat uoluntas tua sicut in
celo et in|terra. Sef yỽ pỽyll hynny. bit arnam dyỽ+
yllys ti megys y|mae yn|y nef yn|y|dayar. Y|neb a|a*|e+
irch velle ny|mynn gynnhennv na|chyffroi|ar drỽc
yn|y gallonn. namyn dangos bot idaỽ ef pob peth
a|ragho y|vod ac eỽyllus duỽ. yr wedy honn y|rodi
yspryt gỽybot yny del y|dyscu y|gallonn. Ac y|adna+
bot y|doluryaỽ drỽy y|mae yn|y adef. ac yn|annoc y pech+
aỽt. A|phy|beth|bynnac a|garho o|da y|mae o|drugared
duỽ idaỽ. vrth hynny trỽy ediuarỽch irlloned a|hed+
dychir ac a|edeỽir ar|ỽir lleỽenyd a|didannỽch. ~
vrth hynny y|dyỽeit crist yn|yr euegyl. Gỽyn eu|byt
y|rei a|gỽynnant ac a|doluryant yma. kannys ỽyn+
tỽy o|hynny a|didenir rac llaỽ. Y|pedỽared ỽedy y+
syd yn trystit. Sef yỽ y|ỽedi honno. Panem nostrum
cotidianum da nobobis hodie. Sef yỽ pỽyll hynny
| « p 126r | p 127r » |