Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 54r
Ystoria Lucidar
54r
A|e llad ỽynt. Ac ef a|uyd medyant yr holl vyt
yn eidaỽ ef teir blyned a|hanner. Odyna ef
a|dynn y bepyll y|vynyd oliuet y|ymlad a|rei
gỽiryon. ef a|dyỽedir y|byrrheir y|dydyev y+
na o achos yr etholedigyon. A uyd byrrach y
dydyeu hynny yna noc yr aỽr honn. kyhyt
yỽ y|dydyeu yna ac yr aỽr honn. Megys y|dy+
ỽedir. ef a|westetyf y|dyd mal y|llunyeitheisti.
namyn ef a|dyỽedir byrrhav y|dyd am vot yn
vyrr yr amsser. kannys teir blyned a hanner
y|gỽledycha. ef a|dyỽedir ac a|gredir bot yn|llei
corfforoed y|dynyon yna noc aỽrhonn. megys
y|mae llei yr aỽr honn no|r rei gynt. Beth a|vyd
gỽedy hynny. ef a|edeỽir deugein nihev y be+
nydyaỽ yr neb a|dygỽydaỽd. nac o|vegythyev
nac o|e dỽyllaỽ. odyna ny wyr neb pa dyd vo
dydbraỽt. Beth yỽ y|cornn diỽethaf. pann ro+
des yr arglỽyd y dedyf yn|y mynyd. ef a glyỽit
llef y|cornn. velle y|kymer engylyon kyrff o|r a+
ỽyr. a|chyrnn y gyhoedi y vraỽt gyhed. megys
y|dyỽedir. ef a|gan y|gornn. Ac eilỽeith y|dyỽe+
it. ef a difulanna ev cof ỽy y|gann y|sein. Ac
yn vchel y|dyỽedant kyfuodỽch y|meirỽ. megys
y|dyỽedir hanner nos y|daỽ y|llef. Ac ar yr aỽr
honno ennyt y|treỽit yr amrant dros y|gilyd
| « p 53v | p 54v » |