LlGC Llsgr. Llanstephan 4 – tudalen 7r
Chwedlau Odo
7r
a|gỽympaỽd vn o|r deil crinyon o|vlaen
y prenn tu a|r|daear. a|phan gigleu ef
y tỽrd hỽnnỽ o diruaỽr ofyn ac ergryn
roi ỻef uchel a|oruc gan|dywedut. Owi
a duỽ tec a seint Martin kanhorthỽy+
ỽch aỽch edyn gwiryon. Veỻy yn wir
dilys y mae ỻawer o|r bobyl yr aỽr honn
yn amser y credant. ac yn amser pro+
uedigaeth y kilyant. Megys y dywedir.
Qui ad tempus credunt et in|tempore
temptacionis recedunt. Megys y gỽ+
naeth pedyr gynt pan dywaỽt am
Jessu. Yr carchar nac yr angheu na|s ga+
daỽei ac nat ymwadei ac ef. Ac eissoes
pan weles ef poeni crist a|e gystudyaỽ
ef a|e gỽadaỽd yn|y wyd. ac megys y
dyweit y salym. ffilij effreym intendentes
et mittentes arcum suum conuersi sunt.
in die beỻi. Hynny heuyt a eỻir y
gyffelybu y lawer o|r marchogyon a|r
gwyr kyuoethogyon pan vont ỽrth y
tan yn kyuedach y gwin kadarn a|r kỽ+
ryf. ỽynt a|dywedant na|bydei vn o+
honunt ỽrth bedwar o|r|ffreingk yn|ym+
lad. Eissoes y bore pan delont y|r maes
a|gỽelet eu galon yn aruaỽc a|r gỽewyr
yn ỻymyon yn eu herbyn yna y dywedant
| « p 6v | p 7v » |