LlGC Llsgr. 3035 (Mostyn 116) – tudalen 117v
Brut y Brenhinoedd
117v
uot y baỽb dywedut y peth a vynhei yg kylch hyny
adaỽ a oruc paỽb nerth megys y bei y aỻu a| e defnyd
yn| y| wassanaeth. Ac yna y| kahat o ynys. prydein. e| hun truge+
in mil o varchogyon aruaỽc heb deg mil a adaỽssei
vrenhin ỻydaỽ. Ac odyna brenhined yr enyssed ereiỻ
kanẏ buassei aruer o varchogyon paỽb onadunt a
edewis pedydgant y saỽl a| eỻynt eu kaffel. Sef a
gahat o| r wech ynys. Nyt amgen. Jwerdon ac jslont
a gotlont ac orc a ỻychlyn a denmarc. Wheugein
mil o pedyd Ac y gan tywyssogyon freinc. nyt amgen
ruthyn a| phortu. a| normandi. a| cenoman a| r angiỽ. a
pheitaỽ. Petwar|ugein mil o varchogyon. Ac y|gan y
deudec gogyfurd y doethant y·gyt a gereint deucant
marchaỽc a mil o varchogyon aruaỽc. A seff oed eiryff
hynẏ oỻ y·gyt. Deu·can marchaỽc a| their mil. a| phetwar
vgein mil. A| chan mil heb eu pedyd. Yr hẏn nyt oed haỽd
eu gossot yn riff ~ ~ ~ ~ ~
A Gỽedy gỽelet o arthur paỽb yn baraỽt yn| y reit a| e ̷ ̷
wassanaeth. erchi a| oruc y baỽb bryssyaỽ y wlat ac ym+
baratoi. Ac yn erbyn kalan aỽst bot eu kynadyl
oỻ y·gyt ym porth barberfloi ar tir ỻydaỽ ỽrth gyrchu
bỽrgỽin odyno yn erbyn gỽyr freinc Ac ygyt a hyny me+
negi a oruc arthur ỽrth genadeu gỽyr rufein na| tha+
lei ef teyrnget vdunt ỽy o| ynys. prydein. Ac nyt yr gỽneu+
thur jaỽn vdunt o| r a| holynt yd oed ef yn kyrchu rufein
namyn yr kymeỻ teyrnget idaỽ ef o rufein. Megys
y barnassei e| hun y dylyu Ac ar hẏnẏ yd aethant y| bren+
hined a| r gỽyrda paỽb y ymbaratoi heb vn annot erbyn
yr amser teruynedic a ossodysit vdunt ~ ~ ~
A gỽedy adnabot o les amheraỽdyr yr atteb a| gaỽssei
| « p 117r | p 118r » |