LlGC Llsgr. 3035 (Mostyn 116) – tudalen 2r
Ystoria Dared
2r
eu lluossogrỽyd hỽy o estraỽn genedyl wneuthur
cam a|threis ac ỽy o|r trigyynt yno dros yr orchyg+
arch ef pryt na beynt baraỽt hỽy y ymlad ac ỽrth
hyny mynet y|eu ỻog a orugant hỽẏ ac enkil y|ỽrth
y|tir a|cherdet racdunt yny deuthant y ynys colcos
a|r croen eureit a dugassant hỽy y|dreis ac ymhoe+
lut adref a wnaethant hỽy yn ỻawen gỽedy kael
eu neges ac eissoes erkỽlf a gymerth yn drỽm ar+
naỽ y|kewilid a|r gỽaratwyd a wnathoedit y Jason
a|e getymdeithon yn mynet parth ac ynys colcos
a dyuot a|wnaeth ef at gastor a|pholix y getym+
deithon gỽyr arderchaỽc y|myỽn arueu a maỽr y
gaỻu yn ynys sporta ac adolỽyn vdunt hỽy dyuot
yn ỻe ac amser ygyt ac ef y dial y|saraedeu ef ual
na diaghei laomedon vrenhin troeaf a dial arnaỽ
ỻudyas y|wyr groec orfowys yn|y borthua ef ac
adaỽ a|wnaeth castor a|pholix gỽneuthur a vynei er+
kỽlf. ac odyno yd aeth erkỽlf ynys salannam at te+
lamonem ac ẏ erchi idaỽ dyuot ygyt ac ef y droea
y dial y|sarhaet ef a saraedeu gỽyr groec ac adaỽ a
wnaeth ynteu y vot yn baraỽt y wneuthur yr hyn
a vynei erkỽlf. ac odyno yd aeth ef y|ynys frigia at
peỻeus y a·dolỽyn idaỽ vynet y·gyt ac ef y droea.
ac ynteu a dywaỽt yd aei y·gyt ac ef yn ỻawen
ac odyno yd aeth ef y ynys pila at nestor a|gofyn
a|wnaeth nestor idaỽ ef beth a vynaỽd yno a|dywe+
dut a|wnaeth eruỽlf. y uot ef yn gyffroedic o|dolur
herwyd mynu ohonaỽ ef tẏwyssaỽ ỻu y droeaf
y|dial saraedeu gỽyr goroec. a|nestor a|e moles ef
am hẏnẏ. ac a edewis y hoỻ aỻu y·gyt ac ef a gỽedẏ
| « p 1v | p 2v » |