LlGC Llsgr. Peniarth 11 – tudalen 13v
Ystoriau Saint Greal
13v
a|e genedyl y·gyt ac ef. a cherdet a|orugant ỽy trỽy ewyỻys duỽ
yny doethant y ynys a elwit sarram yn|y ỻe yd yttoed bren+
hin sarram. yr hỽnn a|elwit enalac. Ac yn|yr amser hỽnnỽ
yd oed ryuel ar enalac y|gan vrenhin araỻ gaỻuaỽc yr
hỽnn a|elwit tolomeus. A|phan yttoed enalac gỽedy ymba+
ratoi y vynet am|benn tolomeus. Josep uab iosep o arimathia
a|dywaỽt ỽrthaỽ. ot ey mor anghynghorus ac yr ỽyt yn my+
net y|r ryuel. mi a rodaf vyng|cret itt na deuy drachevyn. ~
Pa delỽ heb enalac y kynghory di ymi vynet y|r ryuel.
Mi a|e dywedaf itt yn|ỻaỽen heb y iosep. yna ef a|draethaỽd
idaỽ y pỽynteu goreu o|r|euengylyeu. a|ffuryf y gret new+
yd. ac am|diodefedigaeth yn arglỽyd ni iessu grist ar brenn
y groc. Ac yna ef a|wnaeth taryan a chroes arnei o syndal
coch. a dywedut. brenhin enalac heb ef mi a|dangossaf it
yn eglur pa|delỽ y geỻych di adnabot gỽyrtheu a|chedernit
y brenhin a diodefaỽd ar y groc. a|gỽybyd di yn|ỻe gỽir y
keiff tolomeus arnat ti arglỽydiaeth teir nos. a|thri di+
warnaỽt. a|thi a vydy ym|perigyl angheu. A|phan welych
ditheu na eỻych dianc. yna noetha|ditheu y groes honn.
a|dywet. arglỽyd duỽ. yr hỽnn a|diodefaỽd angheu ar yr
ryỽ arỽyd|honn goỻỽng ditheu vi yn iach diberigyl o|r
maes hỽnn y gymryt cret a|chreuyd. Ac ar hynny y kerda+
ỽd enalac ymeith yn erbyn tolomeus. a|phan doeth y|r kyf+
ryỽ berigyl ac y tebygassei yn|ỻe|gỽir y bydei varỽ. ef a noe+
thaỽd y groes a|e daryan. ac yno ef a|welei debygei ef gỽr
ar y groc yn ỻaỽn gỽaet. Ac yna|ef a|dywaỽt y parabyl a
| « p 13r | p 14r » |