LlGC Llsgr. Peniarth 11 – tudalen 264av

nachaf varchaỽc gỽedy y anavu yn|drỽc a|e varch yn|yr vn ffun+

yt yn kyfaruot ac ef. arglỽyd heb ef ỽrth baredur. na|dos di y|r

fforest honno. ac o vreid y deuthum i odyno. kanys y|mae yno mar+

chaỽc a|ỻew ygyt a|m kyweiryaỽd i ual hynn. a chymeint yỽ vy o+

vyn rac y fforest yssyd o|m blaen ac rac honn. kanys y mae yno

varchaỽc yr|hỽnn a|elwir aristor ac a|ruthra y baỽp heb achaỽs

ac a|lad paỽp. Myn vyng|cret i heb y vorwyn nyt reit ytti ovyn hỽn+

nỽ vyth. kanys weldy racko y benn|ef. Myn vym|penn i heb y mar+

chaỽc ys da chwedyl a dywedy di. a mi a|wnn nat ytiỽ heb geder+

nyt maỽr y neb a|e ỻadaỽd ef. ac ar hynny y marchaỽc a|aeth ym+

meith. y ỻew eissyoes a|daroed idaỽ y anafu ef yn|y glun. hyt na

aỻei onyt o vreid na cherdet na marchogaeth. Ha varchaỽc ~

heb·y|paredur dos y ty y meudỽy yssyd yn|y fforest. ac arch idaỽ

y gennyf|i roi ytt vn o|r meirch a edeweis i yno. kanys mi a

welaf vot yn reit ytt ỽrthaỽ. a thitheu a|e|diolchy idaỽ yn ryỽ

vod araỻ. a gỽeỻ yỽ ganthaỽ ynteu beth araỻ no|r march. Y

marchaỽc a|aeth ymeith dan diolch y baredur hynny. ac a

doeth y ty y|meudwy ac a|dywaỽt idaỽ ual|yr|archyssit idaỽ

y wneuthur. A|r meudwy a|erchis idaỽ gymryt yr hỽnn a

vynnei yr caryat ar y marchaỽc a|e gadawssei yno. Ac yna

ef a|gymerth march aristor kanys goreu oed ac a|esgynnaỽd.

a|chymryt kennat y meudwy a|oruc ef a|dywedut y diolchei

idaỽ hynny os gaỻei. Eissyoes ys buassei weỻ y|r marchaỽc

na|chymerassei dim o|r march kanys ef a|las o|e achaỽs wedy

hynny