LlGC Llsgr. Peniarth 15 – tudalen 84

y|sẏmvdaw yr hẏnn a|ossodes Discipulus Beth yw Racweledigaeth dvw. Magister. Adnabodi*+

gaeth y|wybot y|pethev rac llaw Ac o|e hettvrẏt megẏs y|pethev kẏnndrẏcha+

wl o|gwybv dvw pob peth o|r a|del rac llaw|a|dẏwedvt drwẏ y|proffwẏdi yr hynn

a|delẏnt rac llaw Ac nẏ eillir* dwyllaw ef ẏn|ẏ wẏd a|chynt hev·yt y|der+

vẏd y|nef a|r dayar noc y|gellir sẏmvdaw geirew dvw ef a|welir pot yn dy+

vot pob peth o|r nẏ damweinassant eiroet Discipulus Am agkenreit. Magister. Dev ryw

agkenreit yssyd vn annyanawl megẏs kyvodi yr hevl ẏn|ẏ dwẏrein nev dẏvot

y|nos yn ol ẏ|dẏd Ac arall ewyllẏssawl megys kerdet o|dẏn nev eisted a|r hyn

a|vẏnho dvw y|vot megẏs nef a|daẏar nẏ ellir gochel na del hẏnnẏ Discipulus Na+

mẏn angkenreit o|bot* Peth yw o|damweiniẏa velle pethev ereill a|at dvw

vdvnt vot megys ewyllys dẏn y|wnnevthvr da nev drwc a|hẏnnẏ nẏt

amgen y|dyvot pob peth o|r a|wnnel dyn rac law. Magister. Dvw a|e gwẏr ac

a|dywat drwẏ y|proffỽẏdi ẏ|gwnneit Ac ny ossodes dvw angkenreit o|r byt

y|hynny namẏn dẏnẏon e|hvnein a|ossodassant vdvnt ev hangkenreit pan

wnnaethant ev ewẏllẏs o|gwbyl a|daw dim o|damwein na daw. Namẏn

pob peth o|lvnẏeith dvw Pa delw y|llosgant yr eglwyssev nev adeilladew*

megẏs o damwein nẏt dim damwein A yscrivennedic yw ny byd dim ar ẏ|da+

yar heb achos idaw wrth hẏnnẏ  amlwc yw na losgir Ac na distrywir nac

eglwẏs na thẏ ẏn|ẏ bẏt Onnẏt trwy y|varnnv o|dvw yn gynntaf Ef

a|damweina hẏnnẏ hevẏt o|dri achos kynntaf yw o|r adeilir drwẏ da a|geisser

ac amlẏner ar gam. Eil yw os y|neb a|e kẏfvannheda a e|helẏc drwẏ afvlann+

weithwẏd ac ysgymvndawt Trẏdẏd achos yw os y|perchennogyon a|e ka+

rant yn vwẏ no phebẏllev tragywẏd ac ny bẏd marw y|llwdẏvn* lleiaf

ẏ|dẏn Ac ny bẏd claf onnẏt y|bori* o|dvw Discipulus Os anghev nev glevyt ẏssẏd

poennev y|pechawt paham y|godef yr yscrybyl y|ponev* hẏnnẏ pryt na

wyppont synnwyr y|bechv. Magister. Drwy y|rei hẏnnẏ y|poenir dẏn pan drist+

aer o|e dolvr Ac o|e ha·nghenn Ef a|dichawnn hẏnnẏ vot Discipulus Am annẏ+

veileit dof. Beth a|dẏwedẏ dithev am ẏr rei gwyllt. Magister. Yr heint a|vo ar+

nvnt a|damweinha vdvnt o|r awyr llẏgredic nev o|achos pethev ereill

gwrthwnneb* a|damweinont o|bechawt Discipulus Beth yw. Magister. Rac anvonediga+

eth dvw y|llvnẏeith a|wnnaeth dvw e|hvn gwnevthvr y|bẏt y|drossi rei o|e

teẏrnnas ef ac nẏ dichawn neb onadvnt mẏnet yg|kfvyrgoll* Ac yssyd reit

ev gwnnevthvr oll yn yach. Discipulus. onnẏ dichawnn neb onnẏt y|rei da vot yn

yach. Paham y|krewẏt ẏ|lleill nev paham y|kyfvyrgollir y|rei da nẏ allant

wy vynet yg|kyfẏrgoll kannẏs pob peth a|lavvrẏant yn|da hyt hẏnn oet

ev pechawt kannys gwedẏ y pechodev gorthrẏmaf y|bydant vfvdach gan

diolwch y|dvw ẏ|hẏechẏt yn frwẏth·lonnach a|wnnant a rei drwc a|gre+

wẏt o|achos yr etholedigẏon Ac y|gwnnevthvr da onadvnt o|achos y|rei