LlGC Llsgr. Peniarth 31 – tudalen 31v
Llyfr Blegywryd
31v
brenhin. Tri pheth ny at kyfreith eu damdỽg.
blaỽt. a gỽenyn. ac aryant bath. kanys y ky+
ffelyp a geffir udunt. Tri phren yssyd ryd
eu llath yn fforest brenhin; pren crib eglỽys.
A phren peleidyr a|ỽnelher reit y brenhin o·hon+
unt. A phren elor.
TRi chehyryn canastyr yssyd; vn yỽ lletr+
at y fford y kerdho kyfran o·honaỽ. ka+
nys naỽ affeith yssyd idaỽ. Eil yỽ hyd brenhin
pỽy bynhac a|ỽnel cam ymdanaỽ. Trydyd yỽ
a bo bleid y neb a ỽnel cam ymdanaỽ. Tri
pheth a tyr ar kyfreith; amot a defaỽt gyfyaỽn.
ac aghen. Tri edyn ny dylyir eu llad heb gan+
hyat ar tir dyn arall. eryr. a garan a chicur+
an. pỽy bynhac a|e llatho; talet dec a deu·ge+
int aryant y perchennaỽc y tir. Tri pheth
o|r keffir. ar|fford nyt reit atteb y neb o·honunt.
pedol a notwyd. a cheinhaỽc. Tri dyn ny dy+
ly brenhin eu gwerthu; lleidyr guedy barnher
yr groc. a chynllỽynỽr. a bradỽr arglỽyd.
Tri enỽ righyll yssyd; guaed gỽlat. a garỽ
gychwedyl gỽas y kyghellaỽr a righyll.
Tri ergyt ny thelir dim ymdanunt y garỽ
yn yt. ac y gi yn yt. ac y ebaỽl gwyllt yn yt.
| « p 31r | p 32r » |