LlGC Llsgr. Peniarth 32 (Y Llyfr Teg) – tudalen 107
Llyfr Iorwerth
107
oet ỽrth geissaỽ creireu; ny dyly oet namyn
tri·dieu; kanny dyly keissaỽ creireu namyn
yn|y chymỽt e|hun. O|deruyd y dat gỽadỽ mab o
genedyl gwedy dycker idaỽ; ny eiỻ hỽnnỽ kaf+
fel tat vyth o gyfreith gỽedy hynny. Sef achaỽs
yỽ; y vam a|e duc ef yn kyfreithaỽl. a|r tat a|e gỽadaỽd.
ac ỽrth hynny ny eiỻ hitheu y dỽyn ef y dat
araỻ eil·weith vyth. y tat a|e gỽadaỽd ynteu
yn|kyfreithaỽl; ny byd carrdychwel ynteu vyth ar
hỽnnỽ trachefyn. kannyt atwna kyfreith. a wnel. Y
mab hỽnnỽ weithyon ỽrth genedyl y vam yd|a
y vreint. ac o|r ỻad ef dyn; kenedyl y vam a dal
y deu·parth y|r alanas; a|r traean arnaỽ ynteu
y ỻofrud. O|r ỻedir ynteu; kenedyl y vam a
dyly y deu·parth o|e alanas. a hỽnnỽ yỽ vn o
tri dygyn·coỻ kenedyl. a|r eil yỽ; pei|darffei
y|dyn lad araỻ. a meichaỽ o genedyl y ỻof+
rud ar yr alanas. a|chynn talu yr alanas; dỽ+
yn o vam y ỻofrud ef y dat araỻ. y kyfreith. a dyw+
eit panyỽ y genedyl a veichaỽd ar yr alanas
bieu y thalu. o deu achaỽs. o wneuthur y
gyflauan tra vu ef ar eu breint ỽy ac ar eu
hardelỽ. ac o dylyu talu o|r neb a veichaỽd.
Trydyd yỽ; o rodir kymraes y aỻtut. a bot
mab idi o|r aỻtut. a ỻad dyn o hỽnnỽ; deu+
parth yr alanas a|daỽ ar genedyl y vam. a|r ̷
| « p 106 | p 108 » |