LlGC Llsgr. Peniarth 32 (Y Llyfr Teg) – tudalen 62
Llyfr Iorwerth
62
y dylyir kymryt mach ar dilysrỽyd y gỽystyl
rac y wadu ohonaỽ eilweith ae yr chwant y|da ̷
ae yr peth araỻ na|s rodassei. Ny dyly neb dyỽ+
edut nat el yn vach dros y gilyd o|r|byd kyfryỽ
ac y|dylyo mynet yn uach. ỻawer o|dynyon
ny dylyant vynet yn veicheu na rodi mach.
Sef achaỽs yỽ kanny dylyant ỽy wadu mach;
ny dylyant ỽynteu rodi mach. Nyt amgen.
mynach. ac ermidwr. a|dyn aghyfyeith. ac ys+
colheic yscol. a phob dyn ny aỻo dyuot y was+
sanaethu kyfreith. heb gannyat araỻ. O deruyd. y dyn
rodi mach ar dylyet; a|dygỽydaỽ yr oet yn vn
o|r teir|gỽyl arbennic. y nadolyc. a|r pasc a|r sul+
gỽyn; yr y holi o·honaỽ ny chyỻ dim o·nyt y
annot. OS duỽ nadolyc y kyffry y haỽl; ny
cheiff atteb hyt trannoeth o duỽ kalan. OS
duỽ pasc vyd; duỽ maỽrth gỽedy duỽ pasc by+
chan y keiff atteb. Os y sulgỽyn vyd; duỽ ma+
ỽrth gỽedy sul y drindaỽt y rodir atteb idaỽ.
a|r teir wythnos hynny a|elwir oc eu breint
yn vn dyd dydon. Nyt reit kymryt mach ar
dilysrỽyd aryant na|thlysseu treigyledic. kae
a chyỻeỻ a|gỽregys ar arueu heuyt. O deruyd
y vach a chynnogyn kyuaruot ar bont un pren;
ny|dyly bot yn negyf o wneuthur vn o dri
pheth. ae talu. ae gỽadu. ae kyrchu kyfreith. ac ny ̷
| « p 61 | p 63 » |