LlGC Llsgr. Peniarth 35 – tudalen 52v
Llyfr Cynghawsedd
52v
am dranoyth. Od edeu holy tyr en datlau en| e
dyd kyntaf ar na bo e datleu ar e tir. a rodi atep
o|r amdiffynnwr. kystal yỽ y attep a kyn bey e hun ar
e| tyr. os er amdiffynnwr a| deweyt na dely rodi atep
namyn ar e| tyr ac nad hun e| tyr e| mae er haul
arnaỽ. ac nad archo oet. Jaun eỽ barnu idau
na rodo atep canyt erchys oet euenet en dio+
et. os enteỽ a| deweyt na dely rody atep na+
myn ar e tyr e| mae er haul arnaỽ. ac erchi
er oet a deleo o. kyfreith. Jaun eỽ barnu idau er
oet canys erchys. essef eỽ er oet. tranoeth.
onyt dyu| ssul neu dyu llun ỽid. Ereyll
a deweyt am oedeỽ ne bo messur e. kyfreith. arna+
dunt ỽal e| rey henne en dewys er ygneyt y byt
er odeỽ henne eythyr na allant ỽod en hỽy
noget undyd a petheunos canys hunu hỽ+
yaf oet o. kyfreith. O deruyd. e| den holy tyr ac en dyd ky+
ntaf adaỽ e maes o|r amdiffynnwr Jaun eỽ barnu
camlurỽ arnaỽ. ar argluyd byeu dodi oet
en|e ewellys. ac os en er eyloet y|edeu e|ma+
ys camlurỽ heỽit arnaỽ. ac os guedy eyste
e pleydeu. a dodi coll neu caffael e| pen e keg+
haus y dedeu e| maes y| dyỽarnu en tragewy+
daul o|r haul. Os tridydyt ken pleydau y
dedeu e| maes e| divarnu en oes er argluyd
pyeifo e| maes e| dyd hỽnu. Os guedy pley+
daỽ y divarnu en tragewydaul. O deruyd e| den
caffel Jaun gan argluid am tyr a| dayar
a gomet e| datleu o|r amdiffynnwr a galu o|r ar+
| « p 52r | p 53r » |