LlGC Llsgr. Peniarth 36A – tudalen 41v
Llyfr Blegywryd
41v
dyry sỽyd y vab idaỽ neu y gar. punt
a dyry ef yr arglỽyd. ac o rydha vn o+
honunt heb rodi sỽyd idaỽ. wheugeint
a dyry hỽnnỽ yr arglỽd*. Y neb a talho
vgein sỽllt yn| y vlỽydyn. y gymeint a
tal yn amobyr y verch a phan gyme ̷+
ro tir. Ac yn| y ebediỽ. Ar neb a talho
dec sỽllt. velly dec sỽllt a tal yn| y rac+
dywededigyon achỽysson. Pob erỽ o
tir kyllidus a tal kymeint ae gylid yn| y
SEith escobty yssyd yn dyf ̷+[ vlỽydyn
et . a mynyỽ yỽ yr eistedua arben ̷+
hicca yghymry. eglỽys ismael. a llan
degeman a llan vssyllt. llan teilaỽ a llan
teulydaỽc. llan geneu. abadeu teilaỽ
a theulydaỽc. ac ismael. a degeman. a
dylyant vot yn llythyraỽl vrdolyon.
Ebediỽ pob vn or petwar hyn y arglỽ ̷+
yd dyfet. deu·dec| punt yỽ. ar neb a del
yn eu lle talet. Mynyỽ a dyly bot yn
o pob ryỽ dylyet. llan geneu a llan
vssyllt. ryd ynt o ebediweu. kanyt oes
| « p 41r | p 42r » |