LlGC Llsgr. Peniarth 45 – tudalen 116
Brut y Brenhinoedd
116
kymeint uu y kynhỽrỽf yn|y pobyl a me+
gys y tebygit y bot wedy kyffroi o leỽder
AC yn ol y parabyl hỽnnỽ y rodes gỽyr
ruuein. cadarnyon dysgedigaetheu yr
ergrynedic pobyl honno. Ac erchi udunt
adeilat kestyll a|thyroed ar glan y mor yn|y
porthueyd y bei disgynuaeu llongoeu* ỽrth
cadỽ ych gỽlat rac ych gelynyon. Ac eis+
soes haỽs yỽ gỽneuthur hebaỽc o|r barcutan no gỽ+
neuthur bilein yn dysgedic ar uyrder. A phỽ+
y|bynhac a|rodo dysc o anodun doethineb id+
aỽ kynhebic yỽ yr neb a wasgarei gemmeu
gwerthuaỽr y dan traet moch. Ac yna
kychwyn a wnaeth gwyr ruuein. megys na
delhynt yr ynys hon drachefyn. Ac yn|y
lle nachaf gwinwas a melwas o|r llongeu
yr tir a llawer o|r gỽydyl ar yscottyeit
gantunt a gwyr yr ynyssed a phob kene+
dyl o|r a allyssynt eu caffel y gyt ac wynt
ac o|r lle goresgyn yr alban o uyỽn y mur
ac gỽedy gỽybot o·nadunt mynet gwyr
ruuein. ymdeith heb obeith y ymchoelut drach+
euyn. Ehofnach y distrywassant y mur;
Ac yna y gossodet y bilein llu diaruot ar
ymlad. paraỽt ar fo pei lleuessynt yn|y
herbyn. Ac ny orffỽyssei eu gelynyon o
| « p 115 | p 117 » |