LlGC Llsgr. Peniarth 45 – tudalen 146
Brut y Brenhinoedd
146
igeu rac y ureiuat. yn dydyeu hỽnnỽ yd
ymchoelir eur o|r lilium ar dynhaden. Ac ary+
ant a lithyr o carneu y rei a ureuiont. y ca+
lamistreit a wisc amraual gnueu. Ar abbit
uchaf a arỽydocaa y petheu o uyỽn. Ef a holl+
dir furuf y gyfnewit. A hanher crỽn a uyd.
Ef a aballa cribdeil y barcutanot. A danhed y
bleideu a pylant. Canawon y lleỽ a|ssymudir y
morolyon pysgaỽt. Ac eryr hỽnnỽ a wna y nyth ar
nyd eryri. Gỽyned a gocha o|e mamaỽl
waet. A|thy corineus a lad y chwe broder. llidyaỽ
a wna yr alban. Ac yny bo kytalwedic y hystlys+
seu y llauurya y dineu gwaet. Eryr torr gyng+
reir a eurha hỽnnỽ. Ac yn|y trydynyth y llawen+
haa. yna y deffry y cnawon ac y ruthrant ac
yny bỽynt adaỽwedigyon y llỽyneu o uyỽn mu+
roed y keyryd yd helir. Aerua nyt bechan a|wn+
ant o|r a|e gỽrthỽynepo. A thauaỽt y teirỽ a +
chant. Mynygleu y rei a ureuont a orthrym+
ant o cadỽyneu. A hen amsseroed a atnewydha+
ant. Odyna o|r kyntaf yr pedwared. O|r ped+
wared yr tryded. O|r tryded yr eil y troir baỽt
yn oleỽ. y chwchet* a diwreida muroed iwer+
don a|e llỽyneu a symmut yn anwastadrỽyd. O+
dyna y gobryn yr holl gyuoethaỽc. Ac y rỽng
y gwynuydedigyon y kyfleheir. O hỽnnỽ y
| « p 145 | p 147 » |