LlGC Llsgr. Peniarth 46 – tudalen 277
Brut y Brenhinoedd
277
lllynn arall heb ef yn emyleu kymry ar|lann
hauren. a sef yỽ y henỽ llynn llyỽan. a|phann
llanhỽo y|mor hyt attaỽ. y llỽgt* ynteu megys
mor gerỽyn. ac ny byd kyuuch a|r|glanneu
yr meint uo y|llanỽ. a|phann treiho y|mor
y|chỽyda ynteu megys menyd maỽr dan ta+
ulu ohonaỽ y|tonneu a|gymero yndaỽ. a|phỽy
bynnac a|uei yn seuyll yn agos idaỽ a|e
ỽyneb breid uydei o|dianghei heb y|llygcu o|r
llynn. O|r bei y geuyn ar|y llynn nyt oed peri+
gyl yr nesset uydyit idaỽ. ~ ~ ~ ~
A |Gỽedy hedychu a|r|yscotteit o|gỽbyl
yd aeth y|brenhin hyt yg|kaerefura+
ỽc y|anrydeludu gỽylua y|nadolyc.
oed yn dyuot. a gỽedy gỽelet ohonaỽ distri+
ỽedigaeth yr eglỽysseu. a|gỽedy gỽrthlad y
gỽynnuydedic samson archescop a|r|dỽyỽa ̷+
ỽl offeireit. a|r yscolheigon. a|r gredỽyr yr
eglỽys lann gatholic Doluryaỽ yn uaỽr a
oruc arthur. ac o|gyt·gygor y|ỽyrda y dodes
ef priaf y|caplan e|hun yn archescop yg|ka+
er euraỽc. ac y|peris adeilat yr eglỽysseu
| « p 276 | p 278 » |