LlGC Llsgr. Peniarth 46 – tudalen 306
Brut y Brenhinoedd
306
amheraỽdyr yn agos y hynny. a|chymeint o|lu
gantaỽ. ac nat oed haỽd y|neb y|aros. a|phe+
byllyaỽ a|ỽnaeth arthur ar lann yr auon. ac
odynas* yd anuones at yr amheraỽdyr. boso o
ryt ychen. a gereint garanỽys. a gỽalchmei
ap gỽyar. y|erchi idaỽ adaỽ teruyneu freinc.
neu ynteu rodi cat ar|uaes y arthur trannoeth
y|ỽybot pỽy a|dyly freinc o·nadunt. ac annoc
a|ỽnaeth ieuegtit llys arthur y|ỽalchmei ỽn ̷+
euthur gỽrthgassed yn llys yr amheraỽdyr
mal y|bei reit teruyscu y|lluoed o bop parth
rac y|chỽanocket y|cael brỽydyr a gỽyr rufein.
a gỽedy eu dyuot rac bronn yr amheraỽdyr. er ̷+
chi a|ỽnaethant idaỽ adaỽ teruyneu freinc
y|gann arthur neu rodi cat ar|uaes idaỽ tran+
noeth. ac ual yd|oed yr amheraỽdyr yn|dyỽedut
nat mynet a|dylyei ohoni. namyn y|ham+
diffynn. y dyỽat gỽalchmei gaius nei y|r
amheraỽdyr bot yn uỽy boxach y|bryttanny+
eit no|e gallu. ac yn|hỽy eu tauodeu no|e
cleuydeu. a|llityaỽ a|oruc gỽalchmei am|dy+
ỽedut o|r gỽryanc geir mor tremygedic
a|hỽnnỽ. a dispeilaỽ cledyf a|llad y|penn. a|ch+
| « p 305 | p 307 » |