LlGC Llsgr. Peniarth 6 rhan iv – tudalen 33

dalaf y|ỽrthaỽ. kam a|wney heb ef. O lladaf|i y gỽr racco; mi

a|th gaf ti tra vynhỽyf. A gỽedy na|th vynhỽyf. Mi a|th yr  ̷+

raf ymdeith. Os o|th vod titheu y|gỽney yrof|i. kyssondeb

diwahan tragywydaỽl a|uyd yrom tra vom uyỽ. Medyly  ̷+

aỽ a oruc hitheu am a dywaỽt ef. Ac o|e medỽl y kafas yn|y

chyghor rodi ryuyc idaỽ am a erchis. LLyma yssyd iaỽnhaf

itti vnben heb hi rac gyrru arnaf|i mỽy no messur o aniwe+

irdeb dyuot yma auory y|m kymryt i mal na ỽyppỽn i dim

y|ỽrth hynny. Minheu a|wnaf hynny heb ef. A chyfodi a

oruc ar hynny a chymryt canhyat. A mynet ymdeith.

ac ef a|e wyr. Ac ny dywaỽt hi yna dim o ymdidan y gỽr

a hi rac tyfu ae llit ae gofal yndaỽ ae aflonydỽch. A mynet

y|gyscu yn amser a orugant. A dechreu·nos kyscu ychydic

a oruc hi. ac am hanner nos deffroi a oruc a chyweiraỽ ar+

ueu Gereint. ygyt val y bydynt baraỽt ỽrth eu gỽiscaỽ. Ac yn

ofnaỽc ereneigus y doeth hi hyt yn emyl gỽely Gereint. Ac yn

tawel araf y|dywaỽt ỽrthaỽ. Arglỽyd heb hi deffro. a gỽisc

ymdanat. A llyma ymdidan yr iarll a|mi arglỽyd a|e vedỽl

ymdanat heb hi. A menegi y ereint yr holl ymdidan a|oruc.

A chyt bei lityaỽc ef ỽrthi hi; ef a|gymyrth y rybud ac a wis+

caỽd ymdanaỽ. A gỽedy llosci canhỽyll o·honei hi yn oleu+

at idaỽ ef ỽrth wiscaỽ. Adaỽ yna y|ganhỽyll. Ac arch y|ỽr

y|ty dyuot yma. Mynet a oruc hitheu a gỽr y ty a doeth at+

taỽ. Ac yna y|gofynnaỽd gereint idaỽ. A ỽdosti heb ef py amkan

a dyly ti imi. ychydic a tebygaf|i y|dylyu itti ỽrda heb ef. beth

bynhac nu a dylyych; kymer yr vn march ar dec. a|r vn

arueu ar dec. Duỽ a talho itt arglỽyd ac ny threuleis ỽrth+

yt ti werth vn o|r arueu. Py|thaỽr heb ynteu hanbydy