Caergrawnt, Llsgr. Coleg y Drindod O.7.1 – tudalen 21v
Llyfr Blegywryd
21v
a|wnel velly am hyd brenhin a lather
yn|y tref. ny byd kerydus o pleit y
brenhin o gyfreith. Helỽryaeth y bren ̷+
hin hyt galan gayaf y byd. Odyna
hyt y naỽuettyd yr kynydyon. O
galan gayaf hyt ỽyl ieuan ny byd
golỽython yn hyd brenhin. Odyna
deudec golỽyth kyfreithaỽl a vyd
yn hyd brenhin. Tauaỽt. tri golỽyth
or mynỽgyl. kimhibeu. Calon. deu+
lỽyn. iar. Tumon. Hydgyllen. Her+
ỽth. Auu. Y neb a dycco vn or rei hyn+
ny heb ganhat y kynydyon. camly+
ryus vyd. Drostunt oll or dygir;
teir punt a telir. Or lledir hyd bren+
hin; dirỽy a telir drostaỽ. Os kyll+
ella neb heb y gudyaỽ; camlyryus
vyd. eithyr or mod racdywededic.
Gỽerth hyd; ych yỽ; Ewic; buch te+
lediỽ a tal. Croen hyd; deudec kein ̷+
haỽc a tal. Croen ewic; ỽyth kein+
haỽc a tal. Gỽerth hyd dof brenhin.
punt yỽ. Gỽerth pob lletuegyn
brenhin neu vrenhines punt yỽ.
Gỽerth pob lletuegyn breyr neu y
| « p 21r | p 22r » |