Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 43r

Llyfr Blegywryd

43r

pump nieu y rodi atteb. A phump
y rodi mach. A phump y rodi gỽir
Yn|y cantref trydyd. Naỽ nieu y rodi
atteb. a naỽ y rodi mach. A naỽ y rodi
gỽir. Oet arwaessaf yn vn gymhỽt
neu yn vn gantref; tri dieu. Os yn
arglỽydiaeth arall yn agos; naỽ nieu.
Ac ny dodir y teruyn ar duỽ Sul nac
ar duỽ llun. Oet arwaessaf yg|gỽlat
arall. neu am dỽfyr maỽr. neu am
lanỽ. pytheỽnos ac nyt mỽy. Pet  ̷+
war aghyfarch gỽr ynt. Y uarch. ae
arueu. a thỽnc y tir. Ae ỽynebwerth.
Nyt oes ympob dadleu onyt petwar
peth. Gỽys. a haỽl. ac atteb. a barn
Punt yn|y ulỽydyn a dyry y penke+
nedyl yr brenhin. Pob gỽr ryd rỽg
gỽyl yr holseint. A gỽyl marthin y
tal yr arglỽyd yr hyn a dylyo y talu.
Penkenedyl bieiuyd pob sỽyd or a
uo yr genedyl. Ac or dyry sỽyd y
vab idaỽ. neu y gar; punt a dyry ef
yr arglỽyd. Ac or rydha vn o·honunt
heb rodi sỽyd idaỽ; wheugeint a