Caergrawnt, Llsgr. Coleg y Drindod O.7.1 – tudalen 62r
Llyfr Blegywryd
62r
y dyn. ae galwo yn dadyl treis. O tri
mod y kyll dadyl treis y breint mỽy+
haf. vn yỽ oc na wnelher teithi treis.
Ac o tystolyaeth vywaỽl yn dadyl treis.
Ac o gỽynaỽ or haỽlỽr dỽyn oe eidaỽ
ef yr hyn a ducpỽyt y treis rac arall
ac nyt y gantaỽ ef. nyt mỽy hagen
y reith yn|y tri phỽnc hyn no llỽ tri
dyn. Ac nyt mỽy y dial. no their bu
camlỽrỽ ony ellir y gỽadu yn gỽbyl.
neu y hamdiffyn. Un o tri a gyll y neb
a treisser. Ae y dyn. Ae y tir. neu da arall
kychwynnaỽl. Ae y vreint Tri ryỽ
amdiffyn yssyd. vn yỽ na ỽrthepper.
yn an·amseraỽl yr gofyn. Eil yỽ am ̷+
diffyn hyt nat attepper byth yr haỽl.
Trydyd yỽ amdiffyn gan atteb mal
na choller dim yr yr haỽl. Tri pheth
nyt reit atteb y neb o·honunt. vn yỽ
peth ny bo diebredic yn erbyn kyf ̷+
reith. Eil yỽ gỽeithret y galler dan ̷+
gos y argywed or gỽneir ac ny dangos ̷+
ser. Trydyd yỽ collet ny ỽyppo gỽlat
o neb ryỽ hyspysrỽyd yr haỽlỽr y golli.
| « p 61v | p 62v » |