LlGC Llsgr. 24049 (Boston 5) – tudalen 119
Llyfr Blegywryd
119
mrẏt dracheuen. O|R ẏsgar gwr a|e
wreic ẏn gẏureithaỽl; a|hi ẏn veicha+
wc; o|r dẏd ẏd ẏsgarhont ẏ|kẏuriuir
idi amser ẏ|vagu ẏr|etiued a|vo ẏndi ẏ ̷+
na. Kannẏs herỽẏd ẏ|gẏureith honn
blwẏdẏn a|hanner ẏ|mac ẏ vam ef.
A|gỽedẏ hẏnnẏ nẏ|s mac ẏ|vam ef. Os
twẏlluorwẏn a|geffir heb wat; ẏ|chrẏs
a|torrir tu|recdi. A|thracheuen. Ac odẏ+
na ẏ|gỽr a|dẏrẏ idi enderic gwedẏ iraỽ
ẏ|losgỽrn. Ac o|dichaỽn hi ẏ|atal eruẏd
ẏ|losgỽrn kẏmeret hi|ef ẏnn|ẏ hegỽe ̷+
di. O|R lledir gwr gwreicaỽc. ẏ|sarha ̷+
het a|telir ẏn gẏntaf. Ac odẏna ẏ
werth. traẏan hagen ẏ|sarhaet a|ge+
iff ẏ|wreic. Od|a merch breẏr gan ỽr
ẏn llathrut o|e bod; pann atter. Sef ẏỽ
ẏ|hegỽedi. wẏth eidon kẏhẏt eu kẏrn
ac eu hẏsgẏuarn. Y|verch taẏaỽc o|r
kẏurẏỽ dadẏl. tri eidon kẏuoet a rei
hynnẏ a|telir. Gwreic gỽr rẏd; a|dich+
aỽn rodi ẏ|mantell. A|e chrẏs. a|e hes+
gittẏeu. a|e phenlliein. A|e|blaỽt. a|e
chaỽs. a|e hemenẏn. A|e llaeth. heb gy+
gor ẏ|gỽr. A|benffẏccẏaỽ ẏ|holl dotrefẏn.
| « p 118 | p 120 » |