LlGC Llsgr. 24049 (Boston 5) – tudalen 56
Llyfr Blegywryd
56
erbẏn llud ẏ arglỽẏd; nẏ chẏll ẏr hẏn ̷+
nẏ na dirỽ·ẏ na chamlỽrỽ o|gyfreith.
NY|dẏlẏ neb rodi alltut ẏn vach.
ar ẏ neb a|uo kadarnach noc ef. na
mẏnach heb gannat y abbat. nac
ẏscolheic ẏscol. heb gannat ẏ ath ̷+
ro. na gỽreic onnẏt arglỽẏdes y
talaỽdỽr. na mab heb gannat ẏ|tat.
tra dẏlẏho vot drostaỽ. kẏt el y|rei
hẏnnẏ ẏn veicheu nẏ dẏlẏir kẏmell
mechni neb ohonunt. TRi lle ẏd
ymdiueicha mach kẏuadef. am dẏ+
lẏet agkẏuadef; vn ẏỽ. o diwat o|r
talaỽdẏr ẏ|mach. Eil ẏỽ; o gaffel tẏ+
stolẏaeth o vn o|r kẏnnẏgyn ar|ẏ|gi+
lẏd trỽy ẏmhaỽl ẏn llẏs. Trẏdẏd ẏỽ;
o llẏssu o|vn tyston ẏ|gilẏd ẏ|mẏỽn
llẏs. TRi pheth nẏ henẏt o|vechni;
agheu. a|chleuẏt. a|charchar TRi
ryỽ dirỽẏ ẏssyd; vn o ẏmlad. arall
o treis. tryded o|letrat. Deudẏblẏc
vẏd dirỽẏ ẏn llẏs. ac ẏn llan. os m+
am eglỽẏs ac vchellaỽr vẏd. O ẏm+
lad a|wnnelher o|vẏỽn mẏnỽent; pe+
deir punt ar|dec a|telir. Os o|vaes ẏn|ẏ
| « p 55 | p 57 » |