LlGC Llsgr. 24049 (Boston 5) – tudalen 76
Llyfr Blegywryd
76
geir ẏ tẏstỽẏt o|e wall. TRi pheth nẏ|chẏ+
gein ẏg|kẏureith; praỽf ar|weithret; na+
mẏn tri. A gỽat dros waessaf. A|chof
gỽedẏ braỽt. TRi theruẏn ẏn|haỽl ẏss+
ẏd; Guadu. neu broui. neu llẏssu tẏston.
TRi gỽeithret ẏssẏd ar braỽf. LLauur
kẏfreithaỽl ar|tir. neu agkẏureithaỽl.
megẏs torri ffin. neu ffin wneuthur. neỽ
lauur arall. A gỽeithret llỽdẏn ẏn llad
ẏ llall ẏ|g·ỽẏd bugeil trefgord. tẏstolẏ+
aeth hỽnnỽ ẏn wẏbẏdẏat a seif am h
hẏnnẏ. Tẏstolẏaeth gỽẏbẏdẏeit am
tir heuẏt a seif. A|gỽeithret kẏtleidẏr
lleidẏr a groccer am letrat. Tẏstolẏae+
th hỽnnỽ ar|ẏ|gẏtleidẏr a|seif. TRi gỽ+
aessaf ẏssẏd; Ardelỽ. neu warant. neu
amdiffẏnn heb warant. TRi chof gỽe+
dẏ braỽt ẏssẏd; Godef o|vraỽdỽr gỽyst+
ẏl ẏn erbẏn ẏ|vraỽt heb rodi gỽẏstẏl
ẏna. A gỽedy hẏnnẏ kẏnic gỽẏstẏl
ẏ|ỽ gadarnhau. nẏ dẏliẏir ẏ erbẏnnẏ+
aỽ o|gẏfreith. onnẏ bẏd braỽt tremẏc.
neu gẏnic gỽẏstẏl ẏn erbẏn braỽt gỽe+
dẏ godef. neu adaỽ ẏmadraỽd ẏn wall+
us ar|gẏfreith a barn. A gỽedẏ barn kei+
ssaỽ gỽaret ẏ|gỽall. nẏ|s dẏlẏ. Teir tẏ+
| « p 75 | p 77 » |