Llsgr. Caerdydd 1.363 (Hafod 2) – tudalen 142v
Brut y Brenhinoedd
142v
ylaỽ llawer o|r dyd e wudỽgolyaeth a dy+
gwydaỽd y ỽrenyn e brytanyeyt. Ac en
ed oedynt ladedygyon octa ac offa. dangos
eỽ keỽyneỽ a orỽgant e saysson a dechreỽ
ffo. Ac wrth henny kymeynt o lewenyd
a kymyrth e brenyn endaỽ a hyt pan kyỽ+
odes e hỽnan en|y eyste ar er elor. pryt na
alley kyn no henny hep kanhwrthwy dyn+
yon ereyll kychwynnỽ. a chyn lawenet
wu a chyt ry delhey ydaỽ dyssyỽyt yech+
yt. Ac y gyt a henny em ellwng en chwe+
rthyn a orỽc. a chan dyrỽaỽr lewenyd en
wuchel e dywaỽt ef er amadraỽd hvnn.
E bratwyr ep ef am gelwynt y e brenyn
hanner marỽ kanys claf oedvn. ac wrth
ỽy arweyn ar elor. En dyhameỽ evelly
ed oedỽn ynheỽ. Eyssyoes gwell yw ken+
hyf y en hanner marv gorỽot ar·nadỽnt
wy. noget bot en yach ac en ỽyw kan
orỽot arnaf ynheỽ.
AC gwedy gorỽot ar e saysson yr hy+
nny ny pheydyassant wy ac eỽ dr+
wc namyn kyrchỽ gogled wladoed er
| « p 142r | p 143r » |