Llsgr. Caerdydd 1.363 (Hafod 2) – tudalen 195r
Brut y Brenhinoedd
195r
penn e dwy vlyned edwyn a erchys y katwallavn
kanhyat y wyskav coron o·honaỽ e parth trav y
hwmyr ac y kynhal gwylỽaev megys e gwnaey
katwallavn e parth yman y hwmyr. Ac gwedy
gwnethvr oed onadvnt datleỽ y traythv o henny
ar glan dvglas a doethyon o pob parth en edr+
ych pa peth oreỽ a dyleyt eng kylc* henny ed
oed katwallaỽn en gorwed o|r parth arall yr
aỽon a|e penn ar arffet breynt hyr y ney. A hyt
tra ed|oedynt e kennadev en arweyn attebyon
e wylaỽ a wnaeth breynt megys e gwlychavd b+
aryf e brenyn kan y dagreỽon o|y lygeyt en syrthy+
aỽ. Ac ar henny kychynnỽ* a orỽc e brenyn kan tebygv
e mae kawat a dyrchvael y wynep a gwelet brey+
nt en wylaỽ. a govyn ydav pa achaỽs oed ydav yr
dyssevyt trystyt hvnnỽ. Ac ar henny y dywaỽt br+
eynt. Dyoer heb ef defnyd wylav a thrystyt yw ymy
ac y holl kenedel e brytanyeyt en trakywydaỽl.
kanys yr en oes ỽaelgwn gwyned e mae kenedyl
e brytanyeyt hep kaffael ỽn tywyssavc a alley gw+
rthlad gormes estravn kenedyl nac alley y dwyn
ar y hen telynctaỽt. a hedyw e bychydyc a oed o
ymkynhal anryded dy vot tytheỽ en dyodef lle+
| « p 194v | p 195v » |