Llsgr. Caerdydd 3.242 (Hafod 16) – tudalen 40
Meddyginiaethau
40
idỽu. a|changkyr|Sef yỽ hỽnnỽ y kic a ys y|gilyd. ac ef a|grei+
tha pob brath o vyỽn ac o vaes y|gorff dyn bit yn vaỽr yr ar+
choỻ bit yn vychan hyt na|bo reit idaỽ yr|eil uedeginyaeth.
kymer. y ỻysseu hynn. bugyl. pigyl. sanikyl. pimpyrnol. id est. tor+
uagyl. herba craciate. egrymoyn. id est. tryỽ. lancole. id est. llonhi+
dyd. milffoyl. id est. vilffyth. spigyrnel. id est. ỻygeit crist. ffragrone.
id est. deil y syui. consolidon maior. id est. ỻygat y|dyd maỽr. consoli+
don minor. id est. ỻygat y|dyd bychan. aleuya. id est. suryon y coet.
auancia. id est. y vabcoll. herba roberti. id est. y|droetrud. dyrneit o|bob
vn o|r ỻysseu hynny. ac o|r ỻysseu hynn. herba walteri murra.
melisse kymeint ac o|r|rei ereiỻ oỻ. ac emenyn mei puredic
kymeint ac a bỽysso hanner y ỻysseu neu ychỽanec. ac o+
dyna kytvriỽaỽ y ỻysseu a|r emenyn ygyt. a|e gadu y seuyỻ
veỻy hyt ym|penn naỽ diwarnaỽt. ac yna eu berỽi a|e|gỽascu
drỽy liein glan newyd olchat a|e|dodi yn ỻe cadỽedic. A phan vyn+
nych vedeginyaethu neb claf o|r cleuydyeu a enỽit vry. dyro
idaỽ y bore yn|gyntaf kymeint a ffaen o|r eli y yfet neu y vỽ+
yta ar ychydic o|win gỽynn. a|r|gyffelyb y nos honno yn diw+
ethaf yny vo iach. A|r eli hỽnnỽ a elwir yr eli bỽytaedic.
L lyma vedeginyaeth di·baỻedic a|elwir rat duỽ. a|e|enỽ
a|gafas yn achỽyssaỽl. kanys y|ỻe y|dotter ỽrth vratheu
hen neu rei newyd; ef a|dywedir mae gỽyrtheu duỽ neu wyr+
theu nefaỽl a|wna yn vynychach no gỽeithredoed bydaỽl. ac
ym|plith yr hoỻ elieu a|r plastreu. diogelach a|gỽeỻ a ffurue+
idach y hyachaa ef e|hun yn vn aỽr no|r rei ereiỻ oỻ yn vn mis
drỽy wneuthur tyfyant a glanhau y gỽelieu o bob peth gỽrth+
mun heb vyth dim medyant y|r kic drỽc yn|y ỻe y|dotter ef. A
| « p 39 | p 41 » |