LlB Llsgr. Harley 958 – tudalen 38r
Llyfr Blegywryd
38r
det ar ẏ lỽ e|hỽnan heb achwanec. Ot
enwa gwaet kẏnẏ wnelher neu welet
cleis arnaỽ. ẏ lỽ ar ẏ trẏdẏd a|dẏlẏ ẏ ro+
di. kanẏs ẏn ỻe tẏston ẏ kẏnhelir ẏ gỽa+
et. neu ẏ cleis. O|r tereu kaeth dẏn rẏd.
trẏcher ẏ laỽ deheu onẏ thal arglỽẏd ẏ
kaeth sarhaet ẏ rẏd. Ergẏt crẏman ẏỽ
naỽ* kaeth. Nẏ bẏd godor ẏn reith aỻtut
am ẏr hẏn nẏ perthẏno reith gỽlat ar+
naỽ. kẏnẏ thẏgho dẏnẏon gẏt ac ef. na+
mẏn rodet e hunan ẏ lỽ ẏ|ghẏfeir pob dẏn
o|r a dẏlẏei tẏghu gẏt ac ef. bei kenedlaỽc.
Sarhaet gỽreic kaeth deudec keinhaỽc. os
gỽenigẏaỽl vẏd pedeir ar|hugeint ẏỽ gỽerth
ẏ sarhaet. sef ẏỽ honno gỽreic ỽrth ẏ not+
wyd. Dirỽẏ kaeth o|r ỻedrat kẏntaf a
wnel hweugeint ẏỽ. O|r eil punt. O|r try+
dẏd. vn gẏfreith uẏd a gỽr rẏd herwẏd di+
al. Pẏ le bẏnhac ẏ gordiwether kaeth
ẏn flemaỽr; pedeir ar hugeint ẏ gobẏr dif+
frẏt drostaỽ a telir. A phedeir keinhaỽc
ẏg|kẏueir pop kẏmhỽt o|r ẏ kerdỽẏs trỽy+
daỽ. Ot a ẏ vrenhinaeth araỻ pedeir ar hu+
geint ẏn ỻaỽ a geiff ẏ neb a rẏdhao. Ac o
| « p 37v | p 38v » |