LlGC Llsgr. 3035 (Mostyn 116) – tudalen 15r
Ystoria Dared
15r
chygarch y brenhin yr eilweith. Ac yna a·gamemnon
a adnabu y brat ac a dywaỽt y peidei ef a|r ỻywodraeth
hono yn ỻawen ỽrth y|kygor hỽnỽ a gossottynt hỽy ẏ
neb a vynynt yn|y le ef. a|thranoeth a·gamemnon a|wys+
syỽys y|bobyl ygyt ac a diwadaỽd na bu ef eiroet yr
amherodraeth hono ac y dywaỽt na|s kymerth ef hi onyt
o|uedỽl jaỽn. a|pha diỽ bynac y|mynynt ỽy y|rodi hi vot
yn digaỽn gantaỽ ef o|r gaỻei dial y|saraedeu ar y e+
lynyon a|ỻuwyaỽ yn iaỽn y vrenhinyaeth yn|y wlat
a|elwit micenis ac ef a erchis y baỽb dywedut y ewyỻus
ac yna palamides a dangosses y ethrylidoed ef. a gỽyr
goroec a|rodassant yr ymherodraeth yn ỻawen y bala+
mides. ac ynteu a wnaeth diolcheu maỽr vdunt ỽy
ac yn hẏnẏ y daruu y gygreir a|phalamides a gyfanso+
des y|lu ac a|e hanoges ac yn y erbyn ynteu y|deuth
deiphebus a gỽyr troea a ymladassant yn ỻidyaỽc
a|sarpedon tywyssaỽc o|roec a|wnaeth teruysc maỽr
ym|plith gỽyr goroec troea a|ỻawer a ladaỽd ohonunt ac y+
n|y erbyn ef telephelenus a|deuth a gỽedy ymlad o|e
seuyỻ yn hir ohonunt telephelenus a vrathỽyt yn
drỽc yny dygỽydaỽd ac odyna y|deuth presses vab
menestius a gỽedy ymlad o·honaỽ yn hir. Sarpedon
a|e ỻadaỽd ef ac o·dyno yn vrathedic a·daỽ y vrỽydyr
a|wnaeth sarpedon ac y·veỻy drỽy lawer o|dieuoed y+
gyt y|bu yr ymladeu ac y|ỻas ỻawer o dywyssogyon
o bop parth namyn mỽyaf a las o|wyr troea ac yna
gỽyr troea a anuonassant genadeu at wyr goroec
y|a·dolỽẏn kygreir vlỽydẏn ac ỽynt ac o|bop parth i
cladu eu gỽyr meirỽ a|wnaethant a iachau y|rei brath+
edic a gỽedy ymfydyaỽ ymỽybot a|wnaethant ỽy o|pob
| « p 14v | p 15v » |