LlGC Llsgr. Peniarth 11 – tudalen 132r

duỽ a|m kynghoro. Kanys vym|brodyr yssyd ry|bell y ỽrthyf. ac

aỻant vy nerthau o vn mod. Nyt amgen brenhin peleur yssyd

yn|glaf. hỽnnỽ nys|dichaỽn. Brenhin peles a|edewis y vrenhin+

yaeth yr caryat duỽ. ac a|aeth yn|veudỽy. ny mynn hỽnnỽ heuyt

ymyrru. Brenhin y casteỻ marỽ ny mynnỽn chỽeith nerth y

ganthaỽ. kanys y mae yn hỽnnỽ e|hun o enwired gymeint ac

yssyd yn|y deu ereiỻ o daeoni. ac y|mae yn|keissyaỽ dỽyn seint

greal y|gan vrenhin peleur. a|r|gỽaeỽ yr hỽnn a|vyd a|e benn

yn waetlyt vyth yr mynychet y sycher. ac ny wnel duỽ idaỽ y gaf+

A Rglỽydes heb·y gỽalchmei ef a|vu y|nos fael vyth.

araỻ yn|ỻys dy vraỽt ti. marchaỽc urdaỽl. y|r hỽnn yd

ymdangosses seint greal idaỽ deirgỽeith. ac ny mynnaỽd go+

vyn beth a|arwydockaei hynny. Gwir a|dywedy heb y verch. go+

reu marchaỽc urdaỽl o|r byt yỽ. ac ony bei yr karyat ar vym

braỽt mi a|e hymeỻdigỽn ef. O|e garyat ef eissyoes mi a|garaf

bop marchaỽc urdaỽl. Ac o achaỽs ffolineb synnhwyr y neb a

vu yno y dygỽydaỽd vy ewythyr i y|myỽn nychdaỽt. Arglỽyd

heb y wreic ponyt ey di parth ac yno. Mi a|vynnỽn vy mot yno

pei|duỽ a|e mynnei heb ef. Wrth hynny ti a|dywedy y|m|braỽt vy

anghyflỽr|i ac y|m mab os gỽely. a|mi a|archaf ytt yr|duỽ ot ym+

dengys seint greal ytt vot yn weỻ dy gof a|th aruot no|r ỻaỻ a

vu yno o|th|vlaen. Mi a|wnaf hynny yn ỻawen heb·y gỽalchme+

i os duỽ a|e kannatta. ~ ~ ~  

M Egys y bydynt ỽy yn ymdidan ueỻy nachaf pump mar+

chaỽc urdaỽl y wreic yn|dyuot. a|cheirỽ ac ewigot. a

moch coet ganthunt yn|dyuot o|r fforest. Ac yna bỽrỽ y rei hyn+

ny