LlGC Llsgr. Peniarth 11 – tudalen 13r
Ystoriau Saint Greal
13r
marchaỽc vrdaỽl yn|yr arueu gỽynnyon yr|hỽnn a ỽryaỽd*
y brenhin bandymagus y|r ỻaỽr yssyd yn anuon annerch yti
ygyt a|r daryan honn. ac yn erchi itt y chymryt y gan yr ar+
glỽyd pennaf o hynn aỻan. ac o|r mynny wybot gỽirioned
am y daryan a|e hanryuodeu*. aỽn vi a|thi attaỽ. A|phan
gigleu y myneich hynny. ỽynt a|dywedassant. Bendigedic
heb ỽy vo y dynghetuen a|th|danuones di yma. kanys hediỽ
y bỽryy di yr anturyeu|drỽc y arnam ni oỻ. Yna owein a
duc y arueu y galaath ac a|e gỽisgaỽd ymdanaỽ. a|gỽedy
hynny ef a|esgynnaỽd ar y uarch. ac a|roes y daryan am
y vynỽgyl. a thrỽy gennat y myneich ef a|aeth racdaỽ. A
gỽedy hynny. owein a|esgynnaỽd ar|y varch. a dywedut
yr aei ef y·gyt ac ỽynt. a|galaath a dywaỽt na aỻei ef dyuot
yn|diberigyl. ac am hynny ymwahanu a|orugant pob vn onadunt y
ỽrth y gilyd. a galaath a|r ysgỽier a|doethant att y marcha+
ỽc a|r arueu gỽynnyon idaỽ. A|chyfarch gỽeỻ a|oruc pob
vn y|ỽ gilyd o·nadunt. ac ymdidan a|orugant am y dary+
an. a galaath a dywaỽt ỽrth y marchaỽc. Drỽy y daryan
honn heb ef y damweinyaỽd yma ỻaỽer o anturyeu blin
yn herỽyd a|giglef|i. ac am hynny mi a|adolygỽn itt os
ranghei dy vod dywedut im wirioned am·danei. A|min+
neu heb y marchaỽc a|e|dywedaf itt yn|ỻaỽen kanys
mi a|e gỽnn. Galaath heb y marchaỽc. ef a|uv amser
gỽedy diodef iessu grist. deng mlyned a deugeint. dyuot
Josep o arimathia yr hỽnn a gladaỽd iessu grist ac a|e
tynnaỽd y ar brenn y groc. a|chychỽyn ymeith o gaerus+
salem
| « p 12v | p 13v » |