LlGC Llsgr. Peniarth 11 – tudalen 5v
Ystoriau Saint Greal
5v
a|e dynnu o|r maen megys nat oed dim yn|y attal. a|gỽedy hyn ̷+
ny ef a|e rodes y myỽn gỽein. ac a|e gỽisgaỽd ar|y glun. Arglỽ ̷+
yd heb ef nyt oes ymi dim yn eisseu beỻach dieithyr taryan.
Ef a|danuon duỽ heb yr arthur taryan itt ual y|danuonaỽd y
cledyf. A|phan yttoedynt ueỻy ar yr ymdidan hỽnnỽ ỻyma
vorwyn ieuanc aduỽyndec yn|dyuot attunt gan ystlys yr a ̷+
von. ar gefyn palffrei a|cherdetyat amdrỽsgyl ganthaỽ. ky ̷+
varch gỽeỻ a|oruc y|r brenhin a|e gedymdeithyon. a govyn
a yttoed laỽnslot yno. A vnbennes heb y laỽnslot weldy ym ̷+
ma vi. a|throi attaỽ ef a|oruc hi. a|dyỽedut ỽrthaỽ dan wylaỽ.
Ha|laỽnslot heb hi uthur a|beth a ryued y damchweinyaỽd
itt yr doe hyt yr aỽrhonn. Paham vnbennes heb ef. Myn ̷
vyng|kret heb hi mi a|e|dywedaf itt yn amlỽc ual y|clyỽo paỽb.
pỽy bynnac heb hi doe y bore a|dywedei dy vot ti yn oreu
marchaỽc urdaỽl o|r byt ef a|dywedei wir. Eissyoes pỽy
bynnac a|dywedei hynny hediỽ kelwyd a|dywedei. kanys pro+
uadỽy ỽyt o·blegyt y cledyf hỽnn. ac na|thebic di bellach dy uot yn oreu. Myn vyng|kret vnbennes
heb y laỽnslot na|s|tybyeis eirmoet. Ac yna hi a|ymchoela+
ỽd att arthur ac a|dywaỽt ỽrthaỽ. arglwyd heb hi nanens ueu ̷+
dỽy yssyd yn|dywedut yti drỽydof|i. y daỽ hediỽ itt yr anryded
mỽyhaf o|r a|doeth y vrenhin eiryoet ym|bryttaen uaỽr. a
ỻyna itti paham yỽ hynny o|achaỽs seint greal a|ymden+
gys hediỽ y|th lys di. ac a|byrth kedymdeithyon y vort gronn.
A gỽedy daruot idi dywedut hynny hi a|ymchoelaỽd ym ̷+
eith. a ỻawer o|r barwnyeit yn|y gỽahaỽd pei|as|mynnei.
Ac yna y brenhin a|dywaỽt ỽrth y varwnyeit. a|wyrda heb
ef.
| « p 5r | p 6r » |