LlGC Llsgr. Peniarth 33 – tudalen 35
Llyfr Blegywryd
35
a geiff gobreu merchet ẏ|gofein hyt ẏ bo
ẏ sỽẏd; Gobẏr merch gof llẏs ẏỽ;
wheugeint. gwerth offer gof ẏỽ; wh+
eugeint Cowẏll ẏ|verch ẏỽ; wheugeint
a|phunt. ~ Y heguedi teir punt; Ebediỽ
gof llys; weugeint. ~
M Aer bisweil a|geiff crỽyn ẏr ẏchen
a|r gwarthec a|lather o|r llẏs. os ke+
twis wẏnt teir nos. Ef a|geiff amobreu
merchet ẏ bilaenit* a|uỽynt y|myỽn ma+
er·trefi y llẏs; A gỽer a blonec ẏsgrẏbyl
y|llys. kẏt sarhao ẏ gwassanaethwẏr
y|maer bẏssweil ỽrth dỽẏn bỽyt a|llyn
o|r gegin; Ac o|r vedgell parth a|r|neuad
ni dẏwẏgir idaỽ dim. ~
R Jghẏll a geiff y tir ẏn ryd. Ac ẏ+
rỽg ẏ|dỽy golofyn y|seif tra vo
yr arglỽẏd ar|ẏ|uỽyt. kannẏs
ef a|dylẏ goglyt y|neuad rac tan. ẏna
Ac gỽedẏ bỽẏt ẏsset ẏnteu gẏt a|r gw+
assanaethwẏr. Ac gỽedẏ hẏnnẏ nac
eistedet. nac na|thrawet ẏ post ness+
af ẏ|r brenhin; Guiraỽt gẏfreithaỽl
a geiff nẏt amgen. llonneit ẏ llestrẏ
| « p 34 | p 36 » |