LlGC Llsgr. Peniarth 33 – tudalen 95
Llyfr Blegywryd
95
ẏ|r braỽdỽr ac odẏna atte* ẏ|r braỽdỽr
o|lẏn* oỻ. Odẏna ẏ|neb a|dẏwetto ẏn
erbẏn ẏ|braỽdỽr a|dẏlẏ dangos o|lẏ ̷+
uẏr kẏfreith. braỽt teilẏgach no|r honn
a|dangosses ẏ|braỽdỽr os dichaỽn.
ac velle ẏ|goruẏd ef ẏ braỽdỽr; On ̷+
nẏs dichaỽn ẏ|braỽdỽr bieu gorut* ̷
kannẏ dichaỽn neb anheilẏgu ̷ ̷
braỽt ẏn erbẏn gỽẏstẏl ẏ|braỽdỽr.
onnẏ eil* ẏnteu dangos a|vo teilẏ+
gach ẏn ẏsgriuenedic; Os ẏr am+
rẏsson o|r deu erbẏn ẏn erbẏn. a
vẏd ẏg|kẏfreith ẏsgriuenedic. ẏ|doos+
barth a dodir ar ẏ|kẏnhonwẏr a|ar+
uerwẏnt o|wẏroned. a|r|hẏnn a|wel*+
helr ẏn nessaf ẏ|r wironed teilẏ+
gaf ẏỽ ẏ|gẏnal ẏnn|ẏ gẏureith.
O|r|dẏrẏ neb wẏstẏl ẏn erbẏn bra+
ỽt a|rotho braỽdỽr. ac a datkano heb
lẏfẏr kẏureith kẏtrẏchaỽl. ẏ|braỽ+
dỽr bieu dewẏs. ae rodi gỽẏstẏl ẏn+
n|ẏ erbẏn ae godef trỽẏ ẏ|gỽrthỽ+
ẏneb hỽnnỽ dangos ẏna. neu ar
oet braỽt teilẏghach ẏg|kẏureith
| « p 94 | p 96 » |