LlGC Llsgr. Peniarth 36A – tudalen 12v
Llyfr Blegywryd
12v
Ac onys keiff. ar allaỽr gyssegredic. a gỽe ̷+
dy hynny yr arglỽyd bieu kymell y vech ̷+
ni dros y marỽ. Os y kynnogyn a vyd
marỽ ar mach yn vyỽ; dyget y mach
y vechni yn gyffelyb y hynny gan tygu
e hunan ar ved y kynnogyn. ac yna y
teir ach nessaf yr kynnogyn ae talant
y dylyet. Kyt dycco mach y vechnia+
eth yn erbyn llỽ arglỽyd; ny chyll yr
hynny na dirỽy na chamlỽrỽ o gyfreith
Ny dyly neb rodi alltut yn vach. nar
neb a uo kadarnach noc ef. na mynach
heb ganhat y abat. nac yscolheic yscol
heb ganhat y athro. na gỽreic onyt ar ̷+
glỽydes y talaỽdyr. na mab heb ganhat
y tat tra dylyo bot drostaỽ. kyt el y rei
hynny yn veicheu. ny dylyir kymell
mechni neb o·honunt. Tri lle yd ymdi+
ueicha mach kyfadef am dylyet aghyf ̷+
adef. Vn yỽ o diwat or talaỽdyr y mach.
Eil yỽ o gaffel tystolyaeth o vn or kyn ̷+
nogyn ar y gilyd trỽy ymhyaỽl yn llys.
Trydyd yỽ o lyssu o vn o·honunt tyston
| « p 12r | p 13r » |