LlGC Llsgr. Peniarth 46 – tudalen 253
Brut y Brenhinoedd
253
hynny. a chymeint o dyledogyon a doethant
yno hỽy ac eu gỽraged a|e Meibyon ac yd|oed
teilỽg y ryỽ wled honno. aC yr dothoed
Gorleis iarỻ kernyỽ. ac eigyr uerch am+
laỽt wledic y·gyt ac ef. Pryt y wreic
honno a|e thegỽch a|orchyuygei wraged
ynys. prydein. oỻ. a phan welas y brenhin. y wreic
honno. ymlenwi a|wnaeth o|e charyat yn
gymeint ac na hanbỽyỻeu o dim namyn
o|e hoỻ ynni. a|e uedỽl a|e weithret y han+
rydedu hi. Jddi hi yd anuonit y golỽyth+
on a|r anregyon. Jdi|hi heuyt yd anuonit
y gorulychu eureit. a|r gwirodeu yn+
dunt. a|r heil Mynych. a|r geireu tiry ̷ ̷+
on. ac gỽedy gỽybot hynny o|r iarỻ y ̷ ̷
gỽr hi. llidyaỽ a|wnaeth. ac yn diann+
ot adaỽ y ỻys heb ganyat y brenhin. a chy+
meint uu y lit. ac na aỻỽyt y ymcholu
dracheuen rac ouyn coỻi y wreic yr
hon a carei ef yn uỽy no dim dayaraỽl.
a ỻidyaỽ a|wnaeth y brenhin. am adaỽ y|lys
heb ganhyat. ac anuon y erchi idaỽ
dyuot y wneuthur iaỽn y|r brenhin. Canys
un o|e sarhadeu yỽ adaỽ y lys heb gan ̷+
| « p 252 | p 254 » |