LlGC Llsgr. Peniarth 46 – tudalen 309
Brut y Brenhinoedd
309
uynỽgyl a|e tynnu hyt y|llaỽr. ac ympenntyr+
ru a|ỽnaethpỽyt yno o bop parth. ac yna y|bu
aerua uaỽr a|r lleuein. ac ym·urathu o bop parth
a|r|ymsag. ac ymdaraỽ. ac eissoes diodef a
oruc y bryttannyeit yn ỽraỽl ruthur gỽyr ru+
uein. a dyuot a|phedreius gantunt yn garchar+
aỽr. Sef a|ỽnaeth gỽyr ruuein ỽedy daly y|lly+
ỽaỽdyr kymryt eu ffo. a|e hymlit o|r bryttan+
nyeit gann y|bỽrỽ a|e daly. ac yn|y diỽed ym+
hoelut a|ỽnaethant a|r carcharaỽryon* parth
a|e pebylleu gann leỽenyd. a menegi y|arthur
a|r daroed udunt. a|diolỽch a|ỽnaeth ynteu
yn uaỽr gann addaỽ talu udunt y|gỽassan+
aeth yn|y a·ỽssen ynteu. a|thrannoeth y|rif+
ỽyt gỽyr y|uynet a|r carcharoryon parth
a pharis. y carcharu tra gymerit kygor
ymdanunt. ac yna yd erchit y|cadỽr iarll
kernyỽ. ac y bedỽyr penntrullyat. ac y|deu
tyỽyssaỽc ereill. borel. a rikert y|hebrỽg
yn diogel rac y|hellỽg o|ỽyr ruuein. a|gỽedy
gỽybot o|ỽyr ruuein hynny ellỽg a|ỽnae+
thant hỽynteu o|ỽyr aruaỽc y|geissaỽ ell ̷+
ỽg y|carcharoryon. ac yn tyỽyssogyon ar ̷ ̷+
| « p 308 | p 310 » |