LlGC Llsgr. Peniarth 46 – tudalen 76
Brut y Brenhinoedd
76
uu hỽnnỽ a euylychỽs gueithredoed
y tat trỽy tagnheued a yaỽnder. a
chynnal y tyrnas rac estraỽn genedl ̷+
oed yn brud a dym dan kymhell y
elynyon y dyledus darystygedigaeth
ydaỽ. ac ymplith y weithredoed y dam+
weinỽys naccau o urenhin denmarc
y tyrnget a talassei y|ỽ tat. ac a dylyei
y talu ydaỽ ynteu. a chyweiryaỽ llyg ̷+
hes a oruc ynteu. a mynet hyt yn den+
marc. a guedy creulaỽn ymlad a
llad y brenhyn. kymhell y bobyl yn
wedaỽl darystygedic ydaỽ. a|r teyr+
nget ual kynt y enys prydein. a
phan ydoed yn dyuot tracheuyn
parth ac ynyssed orc nachaf yn kyu+
aruot ac ef dec llong ar|ugein yn llaỽn
o wir a guraged. a guedy gouyn vdunt
pa du pan hanoydynt. a pha le yd
eynt y kyuodes eu tywyssaỽc. sef oed
y henỽ bartholomi. ac adoli y ỽrgant
ac erchi naỽd ydaỽ. a dywedut ry
dyhol o|r yspaen ac eu bot vlỽydyn
| « p 75 | p 77 » |