LlB Llsgr. Ychwanegol 19,709 – tudalen 6v
Ystoria Dared
6v
y merch yn wreic y achil. ac o|rodit hi idaỽ ef ynteu a
ymhoelei adref a|e vyrmidones y·gyt ac ef. yr aỽr y gỽelei
ef hyny. ac o|gỽnaei y|tywyssogyon ereiỻ y kyffelybrỽyd.
a|r gỽas a|gerdaỽd racdaỽ ac a|datkanaỽd y ecuba yr hyn
a|orchymynassei achil idaỽ. a|hitheu a|dywaỽt vot yn da
genti hi hynnẏ o|r bei da gan priaf y gỽr hi. a|thra vei hi
yn ym·gyghori a|phriaf. erchi a|wnaeth hi y|r negesswas
ymhoelut. dra|e|gefẏn. agamemnon ynteu a ymhoeles
a|nifer mavr o logeu gyt ac ef at y ỻu. ac ecuba a yma+
drodes a|phriaf am dadyl achil. a|phriaf a dywavt na eỻit
veỻy nyt yr tebygu o·honaỽ ef na bei teilỽg y achil y
ymgyuathrachu ac ef. Namyn kyt rodei y verch idaỽ a|e
enkil ef o·dyno nat enkilyei y|tywyssogyon ereiỻ. mỽy no
chynt. ac ony bei hynny ynteu uot yn drỽc ac yn enwir
gantaỽ ef rodi y verch y elyn. ac ỽrth hyny o|r mynei achil
hẏnẏ bei dragywydaỽl dagnefed ẏ·rẏdunt. ac en·kiliei ẏ
ỻu yn gyntaf. a|chadarnhau y|dagnefed. ac o|r gỽnelhei ef
hynny ynteu a rodei y verch idaỽ ef ac y·veỻy anuon a|wna+
eth achil y was at ecuba ual ẏd oed ossodedic y·rydunt y vy+
bot beth a gaỽssei briaf yn|y gygor am y neges ef. ac ecuba
a adrodes oỻ y|r gỽas yr hyn a gafas gan priaf a|r gỽas a|e
datkanỽys y achil. ac yna achil a gvynỽys bot ỻuyd hoỻ
roec a|throea yn ymlad o achavs vn wreic Nyt amgen noc
elen vanavc. a hyt yr amser yr yttoedynt yn hẏnẏ a|r saỽl
vilyoed o dẏnẏon a|r ladyssit yno a bot eu rydit hỽy yn rỽy+
medic. ac vrth hyny bot yn reit gỽneuthur tagnoued a
gỽasgaru y|ỻu. ac yna y daruu y vlỽẏdẏn a|theruyn y gyg+
reireu. a|phalamides a tywyssvys y|lu y|maes ac a|e dysgỽys
| « p 6r | p 7r » |