LlB Llsgr. Cotton Titus D IX – tudalen 49v
Llyfr Blegywryd
49v
oc eu tei. wynt a|e talhant o|r collir. namyn
Cledyf. a|chyllell. a|llaỽdyr. eu meirch he ̷+
uyt o|r collir y|nos honno. wynt a|e talh ̷+
ant. Y neb a|dywetto geir garỽ. neu geir
hagyr ỽrth y|brenhin talet idaỽ gamlỽrỽ
deudyblyc am|hynny.
P Vnt a|hanner a|daỽ y|r brenhin
vn weith pan rotho maeronia+
eth. neu gygkelloryaeth y|ỽr a|e
dylyho. Ny chyffeiff maer na|ch+
ellyghellaỽr ar|ỽr ryd na|chylch na|dof+
reth. Maer a|dyly peri y|r brenhin pob peth
o|r a|dylyho y gaffel o gyureith yn|y vaero ̷+
ni. Maer a|rann y|teulu pan elhỽynt
ar dofreth. Maer. a chyghellaỽr a|dylyant
gaffel trayan gobreu merchet bilaein+
eit y brenhin. a|thrayan eu camlyryeu.
a|thrayan eu hebediỽeu. a|thrayan eu hyt
y ssaỽl a|phoỽynt o|r ỽlat. a|thrayan yr
yt a|r|bỽyt o|bop marỽty tayaỽc. Maer
bieu ranu pob peth. a|r|righill bieu deỽis
y|r brenhin. O|r damỽeinha na|allo maer
daly ty. kymeret y|tayaỽc a|vynnho y+
n|y vaeroni vlỽydyn o|r kalan mei y|r llall.
a mỽynhaet ef laeth y|tayaỽc hỽnnỽ
yr haf. a|e yt y|cannhayaf. a|e voch y|ga+
| « p 49r | p 50r » |