LlB Llsgr. Cotton Titus D IX – tudalen 72v
Llyfr Blegywryd
72v
o|r yt y|talet. Gỽydeu a gaffer yn|llygru yt
trỽy ysgubaỽr. neu trỽy ytlann. gỽasger
gỽialen ar|eu mynygleu. a gatter yno hy+
ny vỽynt veirỽ. Y neb a|gaffo iar ynn|y
ard lin. neu ynn|y ysgubaỽr; dalyet y|iar
hynny* dillygo y perchenn hi o ỽy. Neu o|r dei+
la y keilaỽc; torret ewin idaỽ. a gollyget
ef yn ryd. neu gymryt wy o|pob iar oc
a|uo ynn|y|ty. Y neb a|dalho cath yn|llygot+
ta ynn|y ard lin. talet y|perchennaỽc y|llỽ+
gyr. Y neb a|gaffo lloi ynn|y yt. dalyet wy
o|r pryt y|gilyd. heb laeth eu mameu. ac
yna gogllyget wynt yn ryd. O|R llygrir
y|neb dyn yt yn emyl trefgord. ac na|ch+
affo y|perchennaỽc dala vn llỽdyn arnaỽ.
kymeret ef y|creir a|doet y|r tref. ac o|r
tygant lỽ diarnabot talent rrid y|rif
llỽdyn. a|r|gyureith honno a elỽir telhi+
tor gỽedy halaỽc lỽ. O|R deila dyn ysgry+
byl ar|y yt. a|bot ymdaeru rỽg y|deilat
ar* |perchennaỽc yr ysgrybyl. y deilat bi+
eu tygu caffel y|blaennieit a|r olyeit
ar|yr yt. O|R deila dyn ysgrybyl agky+
neuin ar|y|yt. neu ar|y weir. ac ymlad o|r
ysgrybyl yn|y gỽarchae a|llad o|lỽdyn y
llall. perchennaỽc yr ysgrybyl bieu talu
| « p 72r | p 73r » |