Llsgr. Caerdydd 1.362 (Hafod 1) – tudalen 19r
Brut y Brenhinoedd
19r
ynteu a mynet dỽylaỽ mynỽgyl ell deu. A chy+
modi y deu lu y gyt. a dyuot y gyt hyt yn llun+
AC ym pen yspeit gỽedy eu bot [ dein.
y gyt yn ynys prydein. oc eu kyt gyghor
y kychwynnassant parth a ffreinc a llu dirua+
ỽr y veint gantunt. A chyt bei trỽy lawer o
ymladeu y kymellassant holl tywyssogyon
ffreinc yn wedaỽl darystygedigaeth udunt. A chan
uudugolyaeth ar ffreinc gyt ac ỽynt kyn pen
vn vlỽydyn y kyrchassant parth a ruuein dan
anrehithaỽ* a|ỽrthỽnepei vdunt.
AC yna yd oed Gabius. a phorcenna yn amherodry+
on yn ruuein. A phan welas y gỽyr hynny na
ellynt ymerbyneit. a beli a bran. Dyuot yn ufyd
a wnaethant y rodi dyrastygedigaeth* ac vfylldaỽt*.
Ac adaỽ teyrnget udunt yno rufein pop blỽydyn
gan ganhat sened rufein yr gadu tagnefed u+
dunt. A rodi gỽystlon a chedernyt ar eu kywir+
dab. A gỽedy ymchoulut beli a bran y ỽrth rufein
a chyrchu parth a germania; ediuarhau a wna+
eth gỽyr rufein am wneuthur y ryỽ tagnefed
honno na rodi eu gỽystlon y·uelly. Sef a|wnaeth+
an trỽy tỽyll lludyaỽ yn eu ol. A mynet yn
porth y wyr germania. A phan doeth y chỽe+
del honno ar veli a bran. Sef a wnethant
llidiaỽ yn uỽy no meint. Am wneuthur ac
ỽnyt* y kyfryỽ tỽyll hỽnnỽ. A medylyaỽ py
wed y gellynt ymlad ar deu lu. Sef y kaỽs+
sant yn eu kyghor trigyaỽ beli ar brytany+
eit
| « p 18v | p 19v » |